“VIII Өрөспүүбүлүкэтээҕи оҕолорго аналлаах хомус күрэҕэ”

Кулун тутар 28-29 күннэригэр СӨ култууратын үтүөлээх үлэһитэ Аан дойдутааҕы Хомус түмэлин дириэктэринэн үлэлээбит Шишигин Н.С. кэриэһигэр “Сэргэлээх уоттара” култуура киинигэр күрэх буолан ааста.
Күрэх саҕаланыытын Хомус муусукатын Аан дойдутааҕы киинин бэрэссэдээтэлэ, естественнай академиятын академика, М.К.Аммосов аатынан ХИФУ бэрэпиэссэрэ тыл билинин дуоктара, мусуойу төрүттээччи И.Е.Алексеев – Хомус Уйбаан киирии тылынан саҕаланна уонна Дьокуускай куорат үөрэнээччитигэр Ян Поповка “Хомусчут импровизатор” аата иҥэрилиннэ.

Хомус күрэҕэр Саха сирин бары муннугуттан муһуннулар. Бүлүү улууһуттан СӨ култууратын үтүөлээх үлэһитэ Евсеева Августина Платоновна, үөрэнээччилэрэ Альберт Габышев, Саша Павлова кыттыыны ыллылар.

Иккис күнүгэр Аан дойдутааҕы Хомус түмэлин дьиэтигэр семинар буолан ааста. Семинары Лидия Михайловна Борисова СӨ култууратын үтүөлээх үлэһитэ, СӨ импровизатор – хомусчута, Хаандыгатааҕы “Бэйбэрэ” хомусчуттар ансаамбылларын салайааччыта иилээн саҕалаан ыытта. Семинарга кыттыыны ыллылар: И.Е.Алексеев – Хомус Уйбаан, А.М.Дегтярова – Айархаан, виртуоз хомусчут уо.д.а.

Семинар тиэмэтэ “Бэйбэрэлэтэн уонна туотан” хомуска үөрэтии.

Хомус күрэҕэр 100 – тэн тахса оҕо кыттыыны ыллылар. Учуутал үөрэнээччилэринээн диэн түһүмэххэ Бүлүүттэн Саша Павлова, Альберт Габышев “Үгэһи утумнааччы” анал бэлиэ хаһаайыннара буоллулар.

Один комментарий

  • Муза

    Августина Платоновна, өссө да үрдүк ситиһиилэри ба5арабын, о5олор үүнэ-сайда турдуннар

Добавить комментарий

Ваш адрес email не будет опубликован. Обязательные поля помечены *