“Түмүү төрүт үгэс мин үүнэр үктэлим”

Олоҥхо уонна искусство киинэ буолар дыбарыаспыт Саха омук аан дойдутааҕы аныгы сайдыылаах култууратын таһымыгар тахсар кыахтарбытын үөскэтиэҕэ.
Хас биирдии норуот бас – көс дьонун төрөөбүт омуга туох туһугар олоруохтааҕын, хайа диэки сайдыахтааҕын, үүнэн иһэр көлүөнэни хайдах сайыннарыахтааҕын туһунан санаалар өрүүтүн долгуталлар. Итиниэхэ омук инники кэккэҕэ сылдьар, А.Борисов “Эл иитэ” диэн сүрэхтээбит интеллигенцията сөптөөх эппиэти тобуларга уонна сыалы – соругу туруорунан ону ситиһэргэ, туохха тирэҕириэҕин уонна хантан күүс ылыахтааҕын туһунан толкуйдуур, тирэҕирэр кэммит кэллэ.

Омук салгыы сайдыытын туһунан толкуй турда5ына эппиэт көрдүүргэ атын омуктар хайдах сайдан иһэллэрин, туохха тирэнэллэрин, ханнык ньыманы туһаналларын үөрэтии эрэйиллэр. Биллэн турар, ити ньыманы үөрэтии уонна омукпут сайдыытын туһугар сөптөөх үлэ хайысхатын талыы биир туспа сорук, үлэ көрүҥэ буолаллар. Манан анал үөрэхтээх, уопуттаах дьон дьарыктаналлара ордук табыгастаах уонна чопчу түмүктээх.

В.О. Каратаев аатынан олоҥхоһуттар уонна тойуксуттар норуодунай коллектив салайааччыта С. Т. Иванова “Үгэстэр сыаннастарын Түмүү” диэн семинар түһүлгэтигэр кыттыыны ылла. Манна олоҥхо дьиэлэрэ хайдах үлэлииллэрин тула кэпсэтиигэ “Олоҥхо олохпут оҥкула” диэн барылынан. Хас биирдии олоҥхо дьиэлээх нэһилиэктэр, араас үлэ салааларыттан, ол курдук үөрэх, доруобуйа, тыа хаһаайыстыбата, урбаан, култуура, дьиэ кэргэн уо.д.а. тэрилтэлэр бииргэ түмсэн үлэлииргэ, биир санаанан түмүү наадатын тоһоҕолоон эттэ.

Биһиги Ил Дархаммыт Айсен Сергеевич Николаев ыйааҕынан “Өй – санаа, майгы – сигили сыаннастарын харыстааһын уонна бөҕөргөтүү”. Онтон култуура деятеля Андрей Саввич Борисов тэрийбит “Түмүү” диэн общественнай мунньаҕа, саха дьонун барытын биир санааҕа түмүү, бииргэ түмсүүлээхтик үлэлиирбитигэр сорук туруорда. Онуоха култуура үлэһиттэрэ инники кирбиигэ сылдьыахтаахпыт, үлэлиэхтээхпит. Государственнай программа киирэригэр биһиги култуура үлэһиттэрэ сүрүн күүс уонна тирэх буолуохтаахпыт.