Эҕэрдэ эйиэхэ, олоҕу бэлэхтиир ийэҕэ!
Алтынньы 20 күнүгэр “Алгыс” НКК Россия А5аларын, Саха Республикатын Ийэлэрин күнүнэн эҕэрдэлээн туран улахан кэнсиэр бэлэх уунна. Кэнсиэркэ эр дьон ырыаларынан кэрэ аҥардары эҕэрдэлээтилэр.
Кэнсиэр саҕаланыытыгар “Бүлүү куорат” МТ баһылыгын солбуйааччыта Николай Варламович Иванов бу сыл саҥа кырачааннары бэлэхтээбит ийэлэргэ бэлиэ “знак” уонна эҕэрдэ суруктары туттартаата.
Саалаҕа мустубут кэрэ аҥардарга минньигэс бэлэхтэр туттарыннылар.
Бүлүү куоратын тэрилтэлэрин уонна ыҥырыылаах эр дьонуттан таҥыллыбыт кэнсиэрт улахан сэҥээриини ылла.
Кэнсиэркэ араас хайысхаҕа үлэлиир эр дьон сыанаҕа бастакы тахсыылара, долгуйуулара көрөөччүгэ бэрилиннэ.
Куорат дьаһалтатын үлэһиттэрэ ансамбль тэринэн Бүлүү олохтоохторун уонна ыалдьыттарын кэрэхсэбиллэрин ыллылар.
Ону таһынан сыана бэтэрээннэрэ Иван Данилов, Николай Иванов кыттыыны ыллылар.
Бачча элбэх ырыаһыттардаах эр дьонноох эбиппит диэн көрөөччүлэр астынан, өссө хатылааҥ диэн баҕа санааларын этэн тарҕастылар.
