«СЫЛ БАСТЫҤ УҺУЙААЧЧЫТА — 2023»

2023 с. Арассыыйаҕа Учуутал уонна Наставник, Саха сиригэр Үлэ сылынан алтынньы ый 12-13 күннэригэр Дьокуускай куоракка «СЫЛ БАСТЫҤ УҺУЙААЧЧЫТА — 2023» I өрөспүүбүлүкэтээҕи олоҥхону толорууга уһуйар маастар-педагогтар икки ардыларыгар күөн-күрэс сахалыы эйгэлээх Айыы Кыһатыгар санаа хоту, бэрт тэрээһиннээхтик буолан ааста.

Тэрийээччилэринэн буоллулар: СӨ култууратын уонна духуобунай сайдыытын, СӨ  үөрэҕин уонна наукатын министиэристибэлэрэ, Өрөспүүбүлүкэтээҕи «Олоҥхо Ассоциацията” уопсастыбаннай тэрилтэ, Научнай-методическай уонна тас сибээскэ үлэҕэ Олоҥхо Киинэ, «Айыы  Кыһата» национальнай гимназия. Күөн-күрэскэ Амма, Чурапчы, Мэҥэ Хаҥалас, Кэбээйи, Бүлүү, Нам, Ньурба улуустарыттан, Дьокуускай куораттан, Хатастан 10 ааттаах суоллаах бастыҥ уһуйааччылар кыттыыны ыллылар.

Уһуйааччылар ортолоругар ыытыллыбыт 2 күннээх күөн-күрэс  түмүгүнэн Бастакы өрөспүүбүлүкэтээҕи олоҥхону толорууга уһуйар маастар-педагогтар икки ардыларыгар күөн-күрэс кыайыылааҕынан ааттанан «СЫЛ БАСТЫҤ УҺУЙААЧЧЫТА-2023» үрдүк ааты ылла — Григорьева Маргарита Егоровна (Бүлүү улууһа).

«Алгыс» НКК иһинэн үлэлиир В.О.Каратаев аатынан олоҥхоһуттар уонна тойуксуттар норуодунай кэллэктиип кыттыылааҕа. Салайааччы СӨ култууратын туйгуна Иванова Светлана Тарасовна.

«Алгыс» НКК кэллэктиибэ Григорьева Маргарита Егоровнаны, салайааччытын Иванова Светлана Тарасовнаны үрдүк ситиһиилэринэн ис сүрэхтэн Эҕэрдэлиибит !