Т.П.Степанова сырдык аатын үйэтитэр кинигэ сүрэхтэниитэ.
“Саха сирин үтүөкэн дьоно” сиэрийэ бу кинигэтэ саха Далбар Хотуна Тамара Прокопьевна Степанова сырдык кэриэһигэр ананна. Тамара Прокопьевна Степанова Бүлүү улууһугар биир биллэр, дьоҥҥо ытыктанар үлэһит киһи этэ. Кини үтүө аатыгар анаан В.О.Каратаев аатынан олоҥхоһуттар уонна тойуксуттар народнай коллективтарын салайааччыта СӨ культуратын туйгуна Светлана Тарасовна Иванова, бииргэ төрөөбүт эдьиийэ Валентина Ивановна Григорьева уонна кыыһа Лианна Петровна Саввинова үлэлэһэн “Саха сирин үтүөкэн дьоно” диэн сиэрийэнэн “Алаас” кинигэ издательствотын салайааччыта Мария Дмитриевна Колодезникова көмөлөрүнэн бу кинигэ күн сирин көрдө.
Бу күн кини аймахтара, оҕолоро, бииргэ алтыспыт-үлэлэспит дьон мустан Тамара Прокопьевнаны үтүө тылларынан ахтан-санаан аастылар. Ахтыы киэһэтин бииргэ төрөөбүт эдьиийэ Валентина Ивановна уонна Луиза Яковлевна иилээн-саҕалаан ыыттылар.
Кинигэҕэ үлэлэспит дьоҥҥо махтанан туран кинигэ бэлэхтээтилэр. Бу кинигэ аныгылыы “Qк-код”-таах оҥоһуллан таҕыста. Бу штрих кодынан сотовай төлөпүөн нөҥүө Тамара Прокопьевна араас кэмнээҕи архыып матырыйаалларын, олоҥхону толоруулара, үлэтин араас хайысхаларын видеоларын киирэн көрүөххүтүн сөп.
Дьоһун мааны салайааччы
Дьоҥҥо истиҥ сыһыана,
Үрдүк култууралаахтык туттара
үтүө холобур буолара!
Алтыһан бииргэ үлэлээбиппинэн
Алыүын киэн туттабын!
Аата ааттана турарыгар
Ааттаах кинигэ тахсыбыт! Тургун. 09.02.2024г.
