“Төрөөбүт төрүт тылбыт – Ийэ тыл”
Бүлүүтээҕи Герой Н.С.Степанов аатынан 3 сүһүөхтээх орто оскуола 7 кылааһын үөрэнээччилэрэ “Төрөөбүт төрүт тылбыт – Ийэ тыл” күнүгэр анаан олоҥхоһут Баһылай Уоһукабыс Каратаев туһунан кини олоҕун уонна хантан төрүттээҕин, олоҥхолорун билээри “Алгыс” киинигэр билсэ-көрсө кэлэ сырыттылар.
Баһылай Уоһукабыс Каратаев аатынан олоҥхоһуттар уонна тойуксуттар норуодунай кэллэктииптэрин олоҥхо толорооччулара Мэҥкэр Сэмэн Хабырыыл уола Баһылай Каратаев олоҥхотуттан киирии тылын толордо,
“Ат ырыатын” Наталья Новикова, “Абааһы кыыһын ырыатын” Людмила Леонтьева толорон оҕолорго иһитиннэрдилэр.
“QR-код”-таах олоҥхо кинигэтиттэн төлөпүөн нөҥүө Баһылай Уоһукабыс олоҥхону толоруутун иһиттилэр.
Бу көрсүһүүгэ, өссө биир күндү ыалдьытынан буолла, биһиги киэн туттар киһибит Иванов Федот Петрович Дьөккөнтөн киирэн оҕолорго саха тылын сайдарын туһугар бэйэтин санаатын тириэртэ.
Оҕолору үөрэтиини сиһилии ютуб каналбытыгар көрүҥ.
