Төрөөбүт тылбытын харыстыаҕыҥ, үйэлэргэ тута сылдьыаҕыҥ!

Бүлүү улууһугар “Төрөөбүт тыл уонна сурук-бичик” дэкээдэтэ таһаарыылаахтык, киэҥ хабааннаах араас тэрээһиннэр буолан аастылар. Куорат оскуолаларыгар оһуохай түһүлгэтэ тэриллэн элбэх оҕо, эдэр ыччат хабылынна. Оҕо төрүөҕүттэн ийэ тылын эйгэтигэр иитиллэрэ – салгыы сайдар суол туоһута буолар. Сахалыы сайаҕастык саҥарар,иэйиибитин истиҥник этинэр ийэ тылбыт, үйэлэргэ сүппэккэ үүнэ-сайда турдун! Ийэ тыллаах, суруктаах саха омук буолан сырыттахпыт, бэҕэһээҥҥигэ махталлаах, бүгүҥҥүгэ эрэллээх, сарсыҥҥыга саргылаах, инникигэ кэскиллээх буолуоҕуҥ! Төрөөбүт тылбытын харыстыаҕыҥ, үйэлэргэ өрө тута сылдьыаҕыҥ!

Добавить комментарий

Ваш адрес email не будет опубликован. Обязательные поля помечены *