“Сүрэхтэн сүрэххэ” аһымал концерт

Ханнык да ыарыы кимтэн да ыйыппат, сэрэппэт. Кини эмискэ хара былыттыы олорор олохпутугар соһуччу баар буолар. Бу ыарыыны кытта олох олорорго, дьулуһарга аттыгар күүс-көмө, өйөбүл буолар дьон ахсааннаах буолар. Истиҥ чугас дьонуҥ, күндү доҕотторун уонна биир дойдулаахтарын биир санааннан салайтаран тирэх буолаллара, туохтааҕар да күндү.

Ол курдук, муус устар 9 күнүгэр Дьокуускай куоракка “Сэргэлээх уоттара” култуурунай кииҥҥэ “Сүрэхтэн сүрэххэ” диэн ааттаах аһымал акция концерт Бүлүүтээҕи “Алгыс” НКК специалиһа Иванов Ренат Дюлустанович бииргэ үөрэммит, оҕо сааһын доҕоро ыарахан ыарыыга ылларан Соҕуруу Кореяҕа эмтэнэ барарыгар күүс-көмө буолан, сүүрэн-көтөн улахан концерт тэрийдэ. Аһымал концерт “Бүлүү Долгуннара” үҥкүү ансаамбылын филиала кытынна, салайаачы Саха Өрөспүүбүлүкэтин култууратын туйгуна Ирена Рэстэмовна Зинурова.

Аһымал концертка киирбит үп-харчы Томскай Леонид Петровичка эмтэнэ барарыгар көмө быһыытынан бэрилиннэ.

Маны таһынан “Алгыс” НКК үлэһиттэрэ Дыгын Леонтьев, Леонид Менкяров аһымал концерт тэрээһинигэр туора турбакка, доҕотторун уонна коллегаларын көрдөһүүтүн быһа гыммакка үлэлэстилэр.

Ким көмө оҥоруон баҕалаах Софронова Намыына Борисовна аатыгар көмөҕүтүн ыытыаххытын сөп. Томскай Леонид Петрович дьиэ кэргэнигэр күүстээх санааны, тулууру, дьулууру!