Сосновкаҕа сандал сааһы көрсүү
Муус устар 20 күнүгэр Сосновка нэһилиэгэр “Алгыс” НКК филиала “Айхал” кулууп сэбиэдиссэйэ Рудольф Томскай, Александра Корякина олохтоорго анаан умнуллубат кэрэ сааскы сандал бырааһынньыгын бэлэхтээтилэр.
Бырааһынньыкка кыттыыны ыллылар Бүлүүтээҕи Н.Г.Чернышевскай аатынан профессиоанальнай педагогическай колледж студеннара, ону таһынан Сосновка нэһилиэгин талааннаах оҕолоро театрализованнай көрдөрүүгэ кыттыыны ыллылар.
Бу күн нэһилиэк олохтоохторугар араас көрдөөх оонньуулар ыытылыннылар: мас ходуногунан хаамыы, күрүчүөгүнэн хабыы, хаатыҥканы ыраахха быраҕыы уо.д.а.
Сааскы бырааһынньык сүрүн күрэҕэ “Мин кыра матрешкабын” диэн кыра оҕолорго аналлаах тэрээһин буолан ааста.
Манна кырачаан кыттааччылар эрдэттэн ох курдук оҥостон киэргэнэн кэллилэр. Бары сыаналаах бириистэринэн наҕараадаланнылар.
Араас минньигэс бириистэри хоһоон аахпыт оҕолор бэлэх туттулар.
Атыы-эргиэн арааһа, буранынан хатааһылааһын, батуттарга оонньооһун, бу күн умнуллубат үөрүүлээх сааһы көрсүү күн ааста.
