Бүлүү улууһугар үбүлүөйдээх олоҥхоһуттарга аналлаах радио биэриини бэлэмнээһин

Бүгүн сэтинньи 13 күнүгэр «НВК Саха» редактора Татьяна Тарасовна Степанова уонна олоҥхо суруйааччы, РФ суруналыыстарын сойууһун чилиэнэ, РФ суруналыыһа, суруйааччы, драматург, прозаик. Бүлүү улууһун бочуоттаах олохтооҕо, элбэх кинигэ ааптара Федот Ксенофонтов — Докумуон балта Лидия Спиридоновна Ксенофонтова суруйааччы төрөөбүтэ 90 сылыгар уонна аҕата олоҥхоһут Аманааскы Өлөксөй төрөөбүтэ 145 сылыгар анаан радио биэрии бэлэмнээтилэр.

В.О.Каратаев аатынан олоҥхоһуттар уонна тойуксуттар норуодунай түмсүүлэрин салайааччыта , СР култууратын туйгуна Светлана Тарасовна Иванова Бүлүү улууһун олоҥхотун уонна олоҥхоһуттарын туһунан сиһилии кэпсээтэ.

Чуолаан олоҥхоһут Аманааскы Өлөксөй уонна уола Докумуон туһунан билиһиннэрдэ.

Бүлүү олоҥхоһуттарын видеоҕа устан үйэтитээччи Иванов Дмитрий Тарасович үгүс сэдэх устуу матырыйааллары көрдөрөн, интэриэһиргэттэ.

Алгысчыт, оһуокайдьыт, тойуксут, хомусчут , Үгүлээт нэһилиэгиттэн төрүттээх Харлампьева Федосия Васильевна төрөөбүтэ 100 сылыгар аналлаах оһуокай күрэҕин ахсынньы 19 күнүгэр ыытаары бэлэмнэнии үлэтэ бара турар. Кыыһа ырыаһыт, учуутал идэлээх СР үөрэҕириитин туйгуна Матрена Петровна Сивцева ийэтин туһунан ахтан кэпсээтэ.

Видеога устан үйэтитэр , Энтузиаст Дмитрий Тарасович Иванов үбүлүөйдээх сылыгар» Олоҥхо алгыстаах аартыгынан» диэн айар түһүлгэтин сэтинньи ый 21 күнүгэр буолара күүтүллэр. Онно араас сылларга уһуллубут устуулары, ханна да көстө илик видеолары бу эрэ күн көстүөхтэрэ.

Суруйааччы Ксенофонтов Ф. А. Докумуон төрөөбүтэ 90 сылыгар уонна аҕата олоҥхоһут Аманааскы Өлөксөй төрөөбүтэ 145 сылыгар анаан олоҥхо декадатын чэрчитинэн оҕолорго Федот Ксенофонтов айымнньыларыгар күрэх буолар.

Ону таһынан автор олоҥхотун оскуола оҕолоро куукуланнан көрдөрөн толоруохтара. В.О.Каратаев аатын сүгэр олоҥхо народнай коллектива үгэс буолбут ньыманан үс көлүөнэ олоҥхону толорооччулар түһүлгэлээн толоруохтара.