Алампа 2023 сылга бириэмийэтин туттарыыга Бүлүүлэр өрөгөйдөөтүлэр!

Сахабыт сирин культуратын айар талааннаахтара, айар интеллигенцията, Былатыан Ойуунускай аатынан Саха Академическай тыйаатырыгар араас общественнай Сойуустар бэрэстэбиитэллэрэ мустуулаах
“Алампа бириэмийэтин Лауреаттара” үрдүк түhүлгэтэ тэрилиннэ.

Алампа аатынан 2023 сыллааҕы бириэмийэни уон киһиэхэ туттардылар.

«Уран тыл» ( «Литературное слово» ) – Варвара Борисовна Окорокова.
«Бастыҥ режиссер» («Режиссер») – Потапов Сергей Станиславович.
“Дархан ойууһут” (“Художник”) – Манжурьев Александр Владимирович.
«Киинэ эйгэтин чыпчаал үлэһитэ» (Кинематографист») – Сивцев Иннокентий Иннокентьевич.
«Алампаҕа сүдү бэриниилээх («За верность Алампа») – Протодьяконов Михаил
Александрович.
“Чаҕылхай артыыс” (“Лучший артист”) – Луковцев Иннокентий Егорович.
“Чаҕылхай артыыска”  (“Лучшая артистка”) – Маркова Ньургуйаана Ариановна.
«Кылаан дьүрүскэн айааччы»(«Композитор» ) – Михеев Николай Алексеевич.
“Ырыа-айааччы” («Автор-песенник») – Туласынов Иван Иванович.
« Өрөгөйдөөх өйөөччү» («Меценат года») – Евсеев Матвей Николаевич.

Номинация туттарыах иннинэ Иван Туласынов айбыт икки ырыалара ылланнылар.
“Таптаатым музыка тойугун” И. Туласынов тыл. мел,. ырыаны толордо Республикатаа5ы вокальнай куонкурустар хас да төгүллээх Лауреата Терентий Егоров уонна “Бүлүү тыына, салгына” Галина Фролова тыл. И. Туласынов мел. ырыаны толордо Республиканскай куонкурустар хас да төгүллээх кыайыылаа5а Иоган Матвеев.

“Алгыс” НКК үлэһитэ, СӨ култууратын туйгуна, СӨ култууратын үтүөлээх үлэһитэ, Бүлүү куоратын Бочуоттаах олохтооҕо Иван Туласынов – “Бу күн миэхэ олус долгутуулаах, олус соhуччу буолла ол курдук мин култуура5а араас өруттээх сэмэй үлэбин үрдүктүк сыаналаабыккытыгар, тэрийэр хамыыhыйа5а уонна бэйэм айар, сомо5олуур Сойууспар чуолаан Алексей Васильевич Егоровка, Степан Иванович Васильевка махталбын тиэрдэбин!


Бу үрдүк ситиhиим мин эрэ ситиhиим буолбатах дии саныыбын, доргуччу ааттыыбын билигин үлэлии сылдьар коллективпын Н. И. Ылахова аатынан Бүлүүтээ5и “Алгыс” национальнай – култуурунай киинин. Манна түөрт норуодунай кэллэктиип олус таhаарыылаахтык үлэлиир-хамсыыр, айар-тутар. Кэккэ үлэлэрим норуодунай кэллэктииби кытары ситимнээх”.


Дьоллоох буолун өбүгэбит
Олоҥхотун дойдутунуу
Ахтар күүтэр кэрэлэрбит
Сиэттистиннэр о5уруолуу!
Дьоллоох буолун!

Добавить комментарий

Ваш адрес email не будет опубликован. Обязательные поля помечены *