Муус устар 27 күнэ

Муус устар 27 күнэ. Саха сирин дьонугар биир ураты күн буолар. 1922 сыллаахха Саха Өрөспүүбүлүкэтин Судаарыстыбаннаһа, Саха АССР төрүттэммит күнэ. Саха сирэ сайдарыгар дьаныардарын, сатабылларын уурбут Улуу дьоннорбут, Саха чулуу дьонун Платон Ойуунускайы, Максим Аммосовы, Исидор Бараховы, Степан Аржаковы ахтан — санаан, бочуоттаан, саха омук быһыытынан бырааһынньыктыыр күммүт.
Бүлүүттэн Г.И.Чиряев, С.М.Аржаков өйдөбүнньүк сквердарыгар, пааматынньыктарыгар ахтан-санаан, чиэстээн күөх гирляндалар, сибэккилэр уурулуннулар.

«Оленск» стадиоҥҥа «Алгыс» НКК специалистара, норуодунай театр туруоруутунан, Улуу дьоммутун дьүһүйэн көрдөрдүбүт. (Туруорааччы режиссер СӨ култууратын үтүөлээх үлэһитэ М.А.Соколова.)

Кэлэр көлүөнэ оҕолоро кыттыыны ылан инникибит эрэллээҕин, саха сирэ сайдар кэскиллээҕин мэктиэлээтилэр.

Сахалыы сиэринэн киэҥ Оһуокай түһүлгэтэ дуорайда. В.О.Каратаев аатынан олоҥхоһуттар уонна тойуксуттар норуодунай коллективтарын үс көлүөнэ үҥкүү тылын этээччилэр түһүлгэлэрэ түстэннэ, (салайааччы СӨ култууратын туйгуна Иванова С.Т.).

Бырааһынньыктааҕы күн атыы-эргиэн, хорчуоппалар тэрилиннилэр. Саха аһылыга арааһа атыыланна.

Өрөспүүбүлүкэбит күнэ улахан бырааһынньыктааҕы кэнсиэринэн түмүктэннэ.