«Ийэ — иэйэр кут ымыыта»

Айылҕа биэрбит талаанын оҕо эрдэҕиттэн ымыы гынан илдьэ сылдьар иэйии куттаах, ырыа аргыстаах, Бүлүү улууһун уһук нэһилиэгиттэн Үгүлээттэн силистээх Матрена Сивцева үбүлүөйдээх дьоро киэһэтэ Арассыыйа ийэлэрин күнүн көрсө, төрөппүт ийэтигэр Феодосия Васильевна Харлампьеваҕа төрөөбүтэ 100 сылыгар анаан кэнсиэрин бэлэх уунна.

Кэнсиэркэ кыттыыны ыллылар Матрена Петровна үөрэтэр оҕолоро.

М.Н.Жирков аатынан оҕо ускуустуба оскуолатын норуодунай инструменнарын норуодунай оркестра, салайааччы Степанова Лидия Юрьевна.

Вокальнай — инструментальнай ансаамбыл.

Саха Өрөспүүбүлүкэтин үтүөлээх үлэһиттэрэ Николай Стручков, Иван Туласынов баяҥҥа доҕуһуоллаатылар.

Геннадий Семенович Донской аатынан 2 нүөмэрдээх орто оскуола 4″б» кылааһын «Ритм Дэнс» үҥкүүһүттэрин бөлөҕө, салайааччы Семенова Татьяна Васильевна.

«Илгэ» вокальнай ансаамбыл.

Бу дьоро киэһэҕэ Матрена Сивцева үбүлүөйдээх күнүнэн элбэх итии-истиҥ эҕэрдэ тыллар этилиннилэр.

Аан дойду ийэлэрин күнүнэн бары Ийэлэри эҕэрдэлиибит!