Бүлүү улууһун Киин библиотекатын 125 сыллаах үбүлүөйүн Кындыл аатынан норуодунай тыйаатыр арыйда.

И.М.Гоголев-Кындыл аатынан улуустааҕы библиотека кииннэммит ситимин Киин библиотеката 125 сылын бэлиэтиир өрөгөйдөөх үбүлүөйүн дьоро киэһэтин И.М.Гоголев- Кындыл аатынан “Алгыс” НКК иһинэн үлэлиир Бүлүүтээҕи норуодунай тыйаатыр ( режиссер, СӨ култууратын үтүөлээх үлэһитэ Маргарита Алексеевна Соколова). “Мин кэлиэҕим , эһиэхэ”- диэн Кындыл айымньыларынан , поэзиянан дьүһүйэн театрализованнай композициянан арыйда.

Дьүһүйүү “Хара кыталык” үҥкүү композициянан саҕаланна. Үҥкүүнү туруорда “Бүлүү долгуннара” норуодунай үҥкүү ансаамбылын салайааччыта СӨ култууратын үтүөлээх үлэһитэ Зинурова Светлана Ефимовна.

Поэзияттан:” Таптал чуумпу кытыла, Мин сүрэҕим-толуу чороон” диэн түһүмэххэ Кындыл уобараһыгар Мэҥкэр Сэмэн Хабырыыл Уола “Мин кэлиэҕим, хайаан да”- диир кэмигэр хайдах эрэ Улуу Кындыл тыына баара биллэн ааһар курдук уйулҕа үөскээтэ.

Добавить комментарий

Ваш адрес email не будет опубликован. Обязательные поля помечены *