«Хоҥкунас хомуһум иэйиитэ!»
Үлэ, тыыл бэтэрээнэ, II Аан дойдутааҕы хомус (варган) кэнгириэһин кыттыылааҕа, хомусчут — импровизатор, оһуокайдьыт, алгысчыт, сцена бэтэрээнэ Таскина Христина Федотовна 95 сааһыгар аналлаах «Хоҥкунас хомуһум иэйиитэ!» хомус тардааччыларын аһаҕас күрэҕэ ахсынньы 7 күнүгэр үрдүк таһымнаахтык буолан ааста.
Күрэх Дьүүллүүр сүбэтигэр үлэлээтилэр ыҥырыылаах ыалдьыттар:
Шишигин Спиридон Спиридонович – С.Ө. үөрэҕириитин үтүөлээх үлэһитэ, С.Ө. культуратын туйгуна, Монголия култууратын туйгуна, Аан дойду виртуоз хомусчута, Аан дойдутааҕы хомусчуттар уопсастыбаларын салалтатын бочуоттаах чилиэнэ, Хаҥалас улууһун бочуоттаах олохтооҕо, Мэҥэ Хаҥалас улууһун Тараҕай нэһилиэгин бочуоттаах олохтооҕо, Покровскай куорат Иван Михайлович Яковлев аатынан бастакы нүөмэрдээх орто оскуолатын дириэктэрэ.
Никитина Антонина Константиновна, Тойбохойдооҕу Георгий Евдокимович Бессонов аатынан историяны уонна кыраайы үөрэтэр комплексын этнопедагогика прощадкатын салайааччыта, С.Ө. култууратын туйгуна, Россия журналистарын союһун чилиэнэ.
Августина Платоновна Евсеева, Саха Республикатын культуратын үтүөлээх үлэһитэ, Бүлүү улууһун, Бүлүү куоратын бочуоттаах олохтооҕо, хомусчут импровизатор, Надежда Иннокентьевна Ылахова аатынан “Алгыс” национальнай культурнай киинин уус-уран салайааччыта.
Христина Федотовна Таскина сиэнэ уола Альберт Валентинович Петров – С.Ө культуратын туйгуна, Өксөкүлээх Өлөхсөй аатынан норуоттар доҕордоһууларын дьиэтин национальнай култуура киинин уонна тэрийэр дьаһайар отделын сүрүннүүр специалиһэ.
Михайлова Екатерина Прокопьевна — Петр Хрисанфович аатынан Бүлүүтээҕи кыраайы үөрэтэр түмэл иһинэн үлэлиир Иван Федорович Захаров — Кылыадьы Уус аатынан Хомус дьиэтин салайааччыта.
Күнүс 14:00 чаастан куйаартан кутуллар ураты тойуктаах, иэйииттэн иитиллэр имэҥнээх алгыстаах, туойар хомус туйгунун тургуутаан уһаммыт, Саха Өрөспүүбүлүкэтин култууратын туйгуна, Аан дойдутаа5ы таһымнаах хомус ууһа, норуот маастара Колодезников Иван Кононович — Үрүҥ Ууска аналлаах “Анабыл хомустара” — диэн фото-альбом кинигэ күн сирин көрдө.
Кинигэ автора,С.Ө. үөрэҕириитин үтүөлээх үлэһитэ, С.Ө. култууратын туйгуна, Монгол култууратын туйгуна, Аан дойду виртуоз хомусчута, Покровскай куорат Иван Михайлович Яковлев аатынан бастакы нүөмэрдээх орто оскуолатын дириэктэрэ Спиридон Спиридонович Шишигин буолар.
Салгыы “Саха хомуһун тардыы төрүт үгэстэрэ: түөлбэ уратыта” диэн ис хоһоонноох кэпсэтиини Никитина Антонина Константиновна, Тойбохойдооҕу Георгий Евдокимович Бессонов аатынан историяны уонна кыраайы үөрэтэр комплексын этнопедагогика площадкатын салайааччыта, С.Ө. култууратын туйгуна, Россия журналистарын союһун чилиэнэ кэпсээтэ.
Түмүккэ Күрэх кыттыылаахтара Гала концертарынан, кыайыылаахтары наҕараадалааһыннарынан дьоро – бэлиэ күн түмүктэннэ.
Сиһилии «Алгыс» НКК сайт ситимигэр «Хоҥкунас хомуһум иэйиитэ» биэрии таҥыллан тахсыаҕа.
