Бүлүү өрүс күнэ

Бүгүн сайыҥҥы куйаас күн Бүлүү эбэ биэрэгэр Бүлүү күнүн бэлиэтиир үөрүүлээх тэрээһин ыытылынна. Саввинова Нюргуяна Капитоновна Алгыһынан мустубут ыалдьыттары алҕаата.

Эҕэрдэ тылларын тиэртилэр Бүлүү куорат муниципальнай тэриллии баһылыга Ян Анатольевич Попов, Судаарыстыба экологияҕа кэтэбилин Бүлүүтээҕи инспекциятын салайааччыта Алексей Иванович Евсеев, Д.Г.Макаров аатынан «Зеленый пояс Вилюя» фонд дириэктэрэ Ксения Гаврильевна Макарова.

Д.Г.Макаров аатынан «Зеленый пояс Вилюя» фонд үлэтин сырдатар быыстапката турда.

«Кыталык» о5ону сайыннарар «Алмазик о5о саадын» ансаамбыла үҥкүүтүн бэлэх уунна.

Бу күн Бүлүүбүт ырыаһыттара эҕэрдэ ырыа нүөмэрдэрэ, Бүлүү туһунан ырыалара ылланнылар.

Бүлүү өрүс күнүнэн мустубут ыалдьыттары кус миининэн, арыылаах алаадьынан күндүлээтилэр.

Бүлүү эбэбит күнүгэр мустубут дьон астына-дуоһуйа Бүлүү өрүһү көрөн олорон кус миинин амсайдылар.

Бүлүү эбэ күнэ ыам ыйын 30 күнүгэр улахан субуотунньугунан түмүктэниэ. Бүлүү өрүс биэрэгин бөхтөн-сыыстан ыраастааһын күнүгэр Бүлүү олохтоохторун көхтөөх кыттыыны ыларгытыгар ыҥырабыт!