«Алгыспыт» барахсан – инникитэ сырдык сыдьаайдаах буолуохтун

1968 сылтан үлэ5э киирбит оччотоо5у Бүлүү оройуонун килбэйэр киинэ, ырыа-тойук дьиэрэйэр, сырдыкка, кэрэҕэ угуйар, култуура оргуйар киинэ бачча сыллар тухары үгүс үтүө дьон үлэлээн, айан-тутан ааспыт өлбөт мэҥэ уутун курдук ыччаты, дьону – сэргэни тардар күүстээх, урукку РДК – быт барахсан, билиҥҥи «Алгыс».

Быйылгы сылтан улахан, киэҥ ремоҥҥа барарынан сибээстээн айар – тутар  коллектив «Оройуоннааҕы В.О. Каратаев аатынан Олоҥхо» дьиэтигэр көстө.

Бар дьон үс – түөрт көлүөнэ таптала, ытыктабыла буолбут истиҥ иһирэх тыыннаах , «Алгыспыт» дьиэтин, сиэри туому тутуһан Алгыһынан арчылаатыбыт, махталбытын тиэртибит. Алҕаата, арчылаата Бүлүү улууһун Далбар хотуна, норуот маастара, уһуйааччы, Эдьигээн улууһун бочуоттаах олохтооҕо Ефросинья Петрова.

Долгуйа, эрэнэ бары күүтэбит, «Алгыспыт» барахсан инникитэ сырдык сыдьаайдаах, суһумнуур уоттардаах, ыҥырар – угуйар дьоһун киэргэллээх, тупсан, кэҥээн биһигини Айхаллыы көрсөрүгэр. Баҕа санаабыт туолуохтун, санаабыт хоту буолуохтун!