«Харысхал» волонтерскай хамсааһын

Ыам ыйын 14 күнүгэр «Харысхал» волонтерскай хамсааһын 12-с акциятын СВО-ҕа сылдьар оҕолорго анаан илии сылааһынан адресной баhыылкалары оҥорон ыыттылар. Маскировочнай сеткалары балыыһа үлэһиттэрэ сал. Егорова Анна Ивановна. (Улуус мунньаҕын депутата, бэйэтиттэн 5.000 харчынан матырыйаалга көмө оҥордо). Куорат бэтэрээннэрин түмсүүтэ сал. Спиридонова Матрена Петровна массыынаны бүрүйэргэ аналлаах икки маскисеткалары баайаннар, оҕо ахсын харысхаллары оҥорон мөһөөччүктэри тиктилэр.

Кыһыл Сыыр бөһүөлэгиттэн «Сила горячих сердец» түмсүү, салайааччыта Иванова Октябрина Прокопьевна, аҕыс баһыылка уонна маскировочнай сетка баайан, эбии 5.000 солкуобайга «Сыа Бүлүү » эт кэнсиэрбэтин госпитальга сытар уолаттарга ылан ыыттылар.

Кырдьаҕас волонтердар Калачикова Светлана Павловна., Григорьева Маргарита Егоровна, Петрова Татьяна Николаевна, Иванова Павлина Даниловна, Глебова Клара Павловна, Галина Яковлевна, Иннокентий Николаевич Гуляевтар дьиэ кэргэттэрэ ис таҥас, сухой паектары аҕалан көмөлөстүлэр. Павлова Светлана Филипповна, Гаврильева Розалия Павловна, Фомина Тамара Васильевна харчынан уонна араас таҥас, сухой паек, барыанньа аҕалан туттардылар.

«Наша аптека» сэбиэдиссэйэ Протопопова Зоя Васильевна, «Ника» аптека сал. Егорова Саргылана Федоровна хас да төгүлүн көмө оҥороллор. Бу сырыыга » Аптека 5″ үлэһиттэрэ сал. Бубякина Светлана Афанасьевна 70.000 сууммалаах көмөнү оҥордулар.

Москваҕа госпитальга сытар оҕолорго «Сыа Бүлүү» СХППК (сал. Кондратьев А.А. ) продукцията: эт кэнсиэрбэтэ, барыанньа, сироп арааһын хас акция аайы тэрийэн ыыталлар.

«Иис абылаҥа » түмсүү сал.Сыроватская Сардана Иннокентьевна уонна Хабытчарова Александра Алексеевна Өймөкөөн сиэлиттэн сүүсчэкэ кыракый дэйбиир харысхаллары оҥорон туттардылар.

Кырылас кумахтаах мөһөөччүктэри Большакова Людмила Ильинична тигэн аҕалла. Гимназия 6 кыл. үөрэнээччитэ Архангельская Лиза «КүнЭко» лааҕырга дьарыктанан хомуйбут эмтээх отторуттан мөһөөччүктэргэ уган ыыттыбыт. Этиҥ түспүт маһын Матрена Петровна булан аҕалбытынан мас, тимир ууһа Акимов Иннокентий Иннокентьевич харысхал оҥорон аҕалла.

Бастакы Чочу бэтэрээннэрэ (сэбиэт бэрэссэдээтэлэ Гоголева Галина Алексеевна) тэтиҥ маһыттан оҥоһуллубут харысхаллары оҥорон биэрдилэр. «Сыа Бүлүү» маҕаһыын атыыһыта Максимова Галина Васильевна 7000 сууммалаах көмөнү оҥордо.

Инникитин да «Харысхал» волонтерскай хамсааһын бэйэтин күүһүнэн уолаттарбытыгар күүс-көмө буола туруохпут.