«Харысхал» общественнай түмсүү

Муус устар 1 күнүгэр «Харысхал» общественнай түмсүү алтыс төгүлүн «Илии сылааһынан» акция оҥорон СВО-ҕа сылдьар биир дойдулаахтарбытыгар, уолатттарбытыгар күүс көмө буолан маскировочнай сеткалары, баһыылкалары оҥордулар.

«Харысхал» хамсааһыҥҥа эбии Бүлүү куоратын бэтэрээннэрэ уонна «Аленушка» детсад үлэһиттэрэ кыттыһан икки күн маскировочнай сеткалары тистилэр.

Бүлүү тэрилтэлэрэ бэйэлэрин көмөлөрүн оҥордулар, ол курдук: Бүлүү куоратын «Аленушка», «Куобахчаан», «Алмазик», «Туллукчаан», «Чуораанчык», «Веселые нотки», «Кустук» уһуйааннара.

Н.И.Протопопова аатынан «Кэскил» оҕо киинэ, улууспут нэһилиэктэриттэн Бороҕон, 1-кы Чочу, Кыһыл Сыыр бөһүөлэгиттэн.

Лөкөчөөн, Сосновка нэһилиэгиттэн, элбэх оҕолоох ийэлэр түмсүүлэрэ, В.О. Каратаев аатынан олоҥхоһуттар норуодунай түмсүүлэрэ, «Хаһаайыска», «Ыллык» эбээлэр түмсүүлэрэ күүс көмө буоллулар.

Дьокуускай куоракка 300-тэн тахса киилэ көмө посылкаларбытын буор босхо илдьэ барбыт суоппарга Петр Татариновка барҕа махталбытын тиэрдэбит.

Уолаттарбытыгар инникитин өссө да күүс-көмө буола туруохпут!