“Ытык-мааны эбээ-2024”

Эйэҕэс майгылаах эбээлэрбитин, күн күбэй ийэлэрбитин, эдьиийдэрбитин, кырачаан балтыларбытын, кэлэн иһэр сандал саас маҥнайгы бырааһынньыгынан аан дойду дьахталларын күнүнэн итиитик-истиҥник ис сүрэхтэн эҕэрдэлиибит!

Кулун тутар 6 күнүгэр Н.И.Ылахова аатынан “Алгыс” НКК сылын аайы ыытар эйэҕэс эбээлэргэ аналлаах “Ытык мааны эбээ-2024” күрэх буолан ааста.

Күрэх кыттааччыларын эҕэрдэлээтэ Бүлүү куорат муниципальнай тэриллии баһылыгын солбуйааччыта Николай Варламович Иванов.

Күрэххэ 9 эбээ араас түһүмэхтэргэ кыттан, талааннарын көрдөрдүлэр. Тэрээһиҥҥэ эр дьоннор эҕэрдэ ырыаларын бэлэхтээтилэр,

көрөөччүлэр хас биирдии кыттааччы эбээни сылаас дохсун ытыс тыаһынан көрүстүлэр.

Күрэххэ Бүлүүттэн, Өкүндүттэн, Чинэкэттэн, Горнай улууһуттан, Кыһыл Сыыртан кытыннылар. Күрэх 4 түһүмэҕинэн ааста: “Бэйэни билиһиннэрии”, ” Талба-талаан көрүүтэ”,

“Мин остуолум киэргэлэ-Эбээ минньигэс бүлүүдэтэ “,

“Мин сөбүлүүр-мааны таҥаһым”.

Күндү ийэлэри, эбээлэри СВО-ҕа сылдьар Бүлүү уола видео-эҕэрдэтин сүһүөхтэригэр туран тэрээһин кыттыылаахтара, көрөөччүлэр иһиттилэр.

Күрэх түмүгүнэн: “Минньигэс астаах эбээ”-Боятанова Анна Петровна, “Хомоҕой хоһоонноох эбээ”-Шумилова Мария Егоровна”, “Талба талааннаах эбээ”-Матрена Петровна Сивцева, “Алгыстаах эбээ”-Феодосия Алексеевна Мандарова, “Эйэ5эс эбээ”-Валентина Афанасьевна Слепцова, “Көмүс тарбахтаах эбээ”-Саргылаана Иннокентьевна Сухарева, “Мичээрдээх эбээ”-Текеянова Жоржетта Ивановна, “Мындыр эбээ”-Ирина Егоровна Петрова.

Саамай чыпчаал аат “Ытык-мааны эбээ-2024” иҥэрилиннэ Бүлүү куоратттан Антонина Иннокентьевна Николаеваҕа.

Добавить комментарий

Ваш адрес email не будет опубликован. Обязательные поля помечены *