“Мин куруук саха киһитэ этим, бастатан туран, Бүлүү уолабын…”

Норуодунай бэйиэт, биллиилээх прозаик, драматург, ССРС суруйааччыларын Сойууһун чилиэнэ Иван Михайлович Гоголев-Кындыл төрөөбүт күнүгэр, И.М.Гоголев-Кындыл аатынан Бүлүүтээҕи кииннэммит модельнай библиотека киэҥ уораҕайыгар 95 сылын көрсө бэлэмнэнии үлэтин былаанныыр, санаа атастаһыыта буолан ааста.

Н.И.Ылахова аатынан “Алгыс” НКК иһинэн үлэлиир И.М.Гоголев-Кындыл аатынан норуодунай тыйаатыр салайааччыта Саха Өрөспүүбүлүкэтин култууратын үтүөлээх үлэһитэ М.А.Соколова уонна артыыстара төгүрүк остуолу “Мин кэлиэҕим эһиэхэ…” диэн театрализованнай дьуһүйүүнэн саҕалаатылар.

Төгүрүк остуол тула сэһэргэһии бэрт сэргэхтик, истиҥ иһирэх кэпсэтии эйгэтин быыһыгар ыытыллан, инникигэ былааннар чопчулуннулар, этиилэр ылыныллан И.М.Гоголев – Кындыл аата үйэлэргэ үйэтитиллэн ааттана туруо диэн бигэ эрэллээх тарҕастыбыт.

Улууканнаах убайбыт Уйбаан Гоголев – Кындыл мэҥэ бэлиэтигэр сибэкки дьөрбөтүн ууруутунан бүгүҥҥү тэрээһин түмүктэннэ.

Добавить комментарий

Ваш адрес email не будет опубликован. Обязательные поля помечены *