“Сверкай алмазами Победа!”

Ыам ыйын 9 күнүгэр Улуу Кыайыы 77 сылын көрсө ытыктабыллаах Аҕа дойду Улуу сэриитин кыттыылаахтарыгар, тыыл бэтэрээннэригэр уонна сэрии сылларын оҕолоругар сүгүрүйэн махтанан, Албан аат болуоссатыгар мустан ол кэмнэри ахтан-санаан аастыбыт.
Бу тэрээһинҥэ Бүлүү улууһун бэтэрээннэрин Сэбиэтин бэрэссэдээтэлэ Герасим Алексеевич Солтуев, куорат депутаттарын Сэбиэтин бэрэссэдээтэлэ Софья Мартыновна Саввинова, Бүлүү улууһун дьаһалтатын эдэр ыччатка уонна социальнай политикаҕа отделын специалиһа Елена Николаевна Федорова тыл эттилэр. Ол кэнниттэн гирляндалары, сибэкки дьөрбөлөрүн “Умнуллубат уот” уонна Танка пааматынньыктарыгар уурдулар.
Түмүгэр Саха Республикатын культуратын үтүөлээх улэһитэ, режиссёр М.А. Соколова салайааччылаах Бүлүүтээҕи народнай театр коллектива “Сверкай алмазами Победа!” диэн театрализованнай представление туруоран дириҥ ис хоһоонноох сэрии сыллара хайдах ыарахан кэмнэр буолан ааспыттарын чаҕылхайдык, итэҕэтиилээхтик көрдөрдүлэр.

https://www.youtube.com/watch?v=LzxoG6x15iM&t=814s