![](https://vilalgis.ru/wp-content/uploads/2024/03/WhatsApp-Image-2024-03-18-at-11.41.03-1140x655.jpeg)
“Ийэ тыл – иэйии тыына”
Олоҥхо тыйаатыра кулун тутар 16 күнүгэр В.О.Каратаев аатынан Олоҥхо дьиэтигэр икки күн устата «Алгыс» национальнай-култуурнай киин коллектива ыалдьыттары сылаас ытыһыгар көрүстэ.
![](https://vilalgis.ru/wp-content/uploads/2024/03/IMG_0910-700x1024.jpg)
![](https://vilalgis.ru/wp-content/uploads/2024/03/IMG_8021.00_01_02_27.Still024-1024x576.jpg)
![](https://vilalgis.ru/wp-content/uploads/2024/03/IMG_0942-1024x609.jpg)
![](https://vilalgis.ru/wp-content/uploads/2024/03/IMG_0952-776x1024.jpg)
СӨ үтүөлээх учуутала, СӨ үөрэҕириитин туйгуна, “СӨ учууталларын учууталлара” бэлиэ хаһаайына, СӨ култууратын туйгуна, СӨ спордун бэтэрээнэ, «Урожай» уопсастыба бочуоттаах үлэһитэ, «Кутана» нэһилиэгин, Сунтаар улууһун бочуоттаах бэтэрээнэ, Ил Дархан стипендиата, олоҥхону толорооччу, олоҥхо тыйаатырын уһуйааччыта Никандр Прокопьевич Тимофеев 90 сааһын бэлиэтиир “Ийэ тыл – иэйии тыына” айар киэһэтэ буолан ааста. Ол киэһэ Никандр Прокопьевич уһуйааччылара, олоҥхону толорооччулар Василина Баланова, Яна Нюргусова, Дмитрий Захаров, Айсен Кысылбаиков, Дархан этээччи Иҥэрчэ Миитэрэй уонна “Эрэл” үҥкүү народнай театра ийэ тыл иэйэр тыынынан биир тэтимҥэ көмүс түгэни бэлэхтээтилэр.
![](https://vilalgis.ru/wp-content/uploads/2024/03/WhatsApp-Image-2024-03-18-at-11.41.03-1-1024x589.jpeg)
Иккис күнүгэр Ытык кырдьаҕас Никандр Прокопьевич Тимофеев уонна айар бөлөх маастар-кылаастары ыыттылар: Ийэ тылынан иһирэхтик саҥарыы, тылы сатаан өйдүүргэ хоһоону үөрэтии ньымата, кылыһах арааһын таһаарыы, Өй-санаа өттүнэн олоҥхону толорууга бэлэмнэнии кистэлэҥин үллэһиннилэр.
![](https://vilalgis.ru/wp-content/uploads/2024/03/WhatsApp-Image-2024-03-17-at-10.22.51-1-1024x768.jpeg)
![](https://vilalgis.ru/wp-content/uploads/2024/03/WhatsApp-Image-2024-03-17-at-10.22.52-1-1024x768.jpeg)
![](https://vilalgis.ru/wp-content/uploads/2024/03/WhatsApp-Image-2024-03-17-at-10.22.47.jpeg)
![](https://vilalgis.ru/wp-content/uploads/2024/03/WhatsApp-Image-2024-03-17-at-10.22.46-2-768x1024.jpeg)
![](https://vilalgis.ru/wp-content/uploads/2024/03/IMG_8021.00_05_34_21.Still027-75x75.jpg)
![](https://vilalgis.ru/wp-content/uploads/2024/03/WhatsApp-Image-2024-03-17-at-18.42.19-75x75.jpeg)