Бүлүү куоратыгар бастакы Республиканскай “Муус оҥоһуктар” күрэхтэрэ буолан ааста

Россияҕа “Дьиэ кэргэн”, Саха сиригэр “Оҕо саас”, Бүлүү куората 390 сылларыгар аналлаах “Оруктаах” муус пааркатыгар, муус оҥоһуктарга бастакы республиканскай күрэх икки күн ыытылынна. Күрэххэ Хаҥалас, Нам, Ньурба, Таатта, Дьокуускай уонна Бүлүү куоратыттан икки хамаанда кыттыыны ыллылар.

Дьүүллүүр сүбэ быһаарыытынан кыайыылааҕынан таҕыстылар: бастакы миэстэ-Ньурба, иккис миэстэ-Таатта, үһүс миэстэ-Дьокуускай уустара буоллулар.

Ону таһынан араас номинациялар хаһаайыннарыгар сыаналаах бириистэри туттардылар.

Күүстээх муус оҥоһуктар маастардарын кытары Н.И.Ылахова аатынан “Алгыс” НКК уолаттара Николай Илларионов уонна Иван Васильев бэйэлэрин сатабылларынан күөн күрэскэ кыттыыны ыллылар.

Уолаттарбыт бастакы муус оҥоһук күрэҕэр бэйэлэрин тургутан көрдүлэр. “Алгыс” НКК коллектива уолаттарбытынан киэн туттабыт, бэйэбит эҕэрдэбитин тиэрдэбит.

Бүлүү куоратын олохтоохторун уонна ыалдьыттарын муус оҥоһуктары кэлэн көрөн сыаналыыргытыгар, харыстыыргытыгар көрдөһөбүт.

Добавить комментарий

Ваш адрес email не будет опубликован. Обязательные поля помечены *