“Олоҥхо алгыстаах аартыгынан”

Надежда Ылахова аатынан “Алгыс” национальнай-культурнай киин иһинэн үлэлиир Баһылай Уоһукабыс Каратаев аатынан Олоҥхоһуттар уонна тойуксуттар кэллэктииптэрин кыттыылааҕа, Российскай Федерация сибээс уонна маассабай коммуникация аатынан “Бочуоттаах радист” бэлиэ хаһаайына, Иванов Дмитрий Тарасович айар үлэтигэр аналлаах “Олоҥхо алгыстаах аартыгынан” диэн түһүлгэ ыытылынна. Бу күн үйэтитэр айымньылаах үлэтин түмэн, дьон-сэргэ ортотугар бэйэтин пуондатыттан араас харахха хатанар хаартыскалары, урукку үлэлээбит аппарааттары быыстапкаҕа туруорда.

Куорат, улуус, республика таһымынан араас тэрээһини устан, түмэн үйэтитэн дьон болҕомтотун тарта, сылаас иэйиини киллэрдэ. Ону таһынан араас дойдуларынан айаннаһа сылдьан олоҥхо коллективын айымньылаах үлэтин устан үгүс архивнай үлэни оҥорбутугар бары да олус махтанныбыт уонна үөрдүбүт.

Өрөгөйдөөх түһүлгэҕэ, Дмитрий Тарасовиһы эҕэрдэлээн “Бүлүү улууһа (оройуона)” муниципальнай оройуон администрациятын аатыттан уонна “Култуура уонна норуот айымньытын сайдыытын оройуоннааҕы киин” салайааччыта Алена Александровна Дашевская “И.С. Жараев аатынан Саха Өрөспүүбүлүкэтин норуоттарын аудиовизуальнай нэһилиэстибэ национальнай киин” аатыттан “Алгыстаах суругу”, Бүлүү улууһун баһылыгын аатыттан “Махтал суругу” туттарда.

Бүлүү куорат баһылыга Ян Анатольевич Попов “За вклад в развитие музея им. П.Х.Староватова” бэлиэни туттаран мустубут дьону долгутта.

Дмитрий Тарасовичпытыгар кытаанах доруобуйаны, айар үлэҥ өссө кынаттаан иһэригэр уонна дьоллоох уһун олоҕу баҕарабыт !

Добавить комментарий

Ваш адрес email не будет опубликован. Обязательные поля помечены *