“Уруйдан, Улуу олоҥхобут”
Саха норуотун духуобунай баайа – олоҥхо.Олоҥхо толоруллуутун үйэтитэр, киэҥ эйгэҕэ таһаарар, тарҕатар сыаллаах ыытыллар “Уруйдан, Улуу олоҥхобут” олоҥхону толорооччулар күрэстэрэ, улахан дьоҥҥо, IX төгүлүн, Арчы Дьиэтигэр үрдүк таһымҥа ыытылынна. Күрэскэ биирдиилээн уонна бөлөҕүнэн толорууга, барыта 42 заявка киирдэ, олортон 12 бөлөҕүнэн, 30 биирдиилээн толорооччулар, араас улуустартан барыта сүүстэн тахса кыттааччы чулуу олоҥхоһут аатыгар кииристилэр.
Дьүүллүүр сүбэҕэ үлэлээтилэр: Илларионов Василий Васильевич – Дьүүллүүр сүбэ бэрэссэдээтэлэ, СӨ билимин үтүөлээх деятеля, РФ үрдүк үөрэхтээһинин бочуоттаах үлэһитэ, олоҥхону үөрэтээччи, фольклорист. Тыл үөрэҕин билимин докторра, профессор, ХИФУ норуоттар тылларын уонна култуураларын институтун фольклор кафедратын сэбиэдиссэйэ. Протодьяконова Елена Николаевна – Былатыан Ойуунускай аатынан бириэмийэ лауреата, РФ үөрэҕириитин туйгуна. Научнай методическай уонна тас сибээскэ үлэҕэ Олоҥхо киинин сүрүннүүр специалиһа Толбонова Надежда Семеновна – СӨ култууратын үтүөлээх үлэһитэ, Дьокуускай куораттаа5ы “Арчы Дьиэтэ”духуобунай култуура киинин консультативнай сэбиэтин председателя. Исаков Валентин Гаврильевич – Норуот ырыаһыта, өрөспүүбүлүүкэ олоҥхоһута, Олоҥхо тыйаатырын артыыһа, СӨ үтүөлээх артыыһа, элбэх аан дойду таһымнаах Арассыыйатааҕы, өрөспүүбүлүкэтээҕи бэстибээл, куоҥкурус кыайыылааҕа, Үөһээ Дьааҥытааҕы олоҥхо ыһыаҕын кылаан чыпчаал бириис хаһаайына уо.д.а. Ил Дархан 2022-23 сс олоҥхоҕо истипиэндьийээтэ. Боппоенова Мария Гаврильевна – СӨ култууратын үтүөлээх үлэһитэ, Дьокуускай куораттааҕы А.Д.Макарова аатынан култуура уонна искусство колледжын преподователя. Корякин Артем Николаевич – СӨ култууратын туйгуна, Өрөспүүбүлүкэтээҕи норуот айымньытын дьиэтин сүрүннүүр специалиһа, Дьокуускай куораттаа5ы “Арчы Дьиэтэ”духуобунай култуура киинин консультативнай сэбиэтин чилиэнэ. Захарова Агафья Еремеевна – Олоҥхону чинчийээччи, Олоҥхо киинин салайааччыта, филология билимин хандьыдаата
Бу тыҥааһыннаах киирсиигэ Бүлүү улууһуттан В.О Каратаев аатынан олоҥхоһуттар народнай коллективыттан олоҥхо толорооччу, биирдиилээн олоҥхо толоруутугар 3-с Үрдэл аатын Харлампьева Каролина Петровна ылла.
Олоҥхону толорооччулар салгыы утумнаахтык дьарыктанан, аны сайын Аммаҕа ыытыллар Олоҥхо Ыһыаҕар ыытыллар күөн күрэскэ кыттарга сыал-сорук туруорунан тарҕастылар. Олоҥхону толорооччуларбытыгар барыларыгар ситиһиилэри баҕарабыт.
