СВО кыттыылаахтарыгар өйөбүл, тирэх буолабыт

” Алгыс” НКК киин иһинэн үлэлиир олоҥхоһуттар уонна тойуксуттар норуодунай коллектив салайааччыта, СӨ культуратын туйгуна Светлана Тарасовна Иванова көҕүлээһининэн СВО-ҕа сылдьар уолаттарга дойдуларын астарын ыытта.
Ол курдук Бастакы Чочу нэһилиэгин баһылыга Петр Догоюсов дьиэ кэргэнэ, Чочу Эбэ Хотун минньигэс соботун буһаран ыыттылар.

Мастаах Эбэ бөдөҥ соботун Василий Мандаров уолаттарга кэһиитин ыытта.


“Алгыс” НКК бэтэрээннэрэ уолаттарга отон хомуйдулар.

Бөтүҥ нэһилиэгин отоһута Ирина Петровна уонна Раиса Николаевна эмтээх отторун ыыттылар.


Дьокуускай куоракка дылы икки дьааһык, уолаттарга кэһиибитин 2-с Күүлэт уола босхо илдьэн тиксэрдэ.

Бары кыттыспыт дьоммутугар барҕа махталбытын тиэрдэбит. Инникитин маннык акцияларга кыттыһан саха уолаттарбытыгар өйөбүл буола туруохпут!

Добавить комментарий

Ваш адрес email не будет опубликован. Обязательные поля помечены *