Оһуокай түһүлгэтэ

1922 сыллаахха 5 эдэркээн уолаттар саха автономиятын төрүттэспиттэрэ. Тэрийээччи уолаттартан биирдэстэрэ Степан Максимович Аржаков буолар. Быйыл Бүлүү куората 390 сылын көрсөр, ону таһынан бу сыл Бүлүү улууһугар Степан Аржаков 125 сылын бэлиэтиибит. Муус устар 27 күнэ Саха Өрөспүүбүлүкэтигэр бэлиэ күн буолар. Бу күн Бүлүү куоратын олохтоохторо, тэрилтэлэр түмсэн биир тыынынан оһуокай тылын эттилэр.

Алгысчыт Ньургуяна Саввинова аал уотун оттон, айах тутан дьонун алгыһынан арчылаата.

Өрөспүүбүлүкэ күнүнэн эҕэрдэлээтилэр Улуус баһылыгын солбуйааччыта Иван Евсеев, оройуоннааҕы дьокутааттар Сэбиэтин бэрэссэдээтэлэ Гаврил Корякин, Бүлүү куорат баһылыга Ян Попов.

Бүлүүгэ Өрөспүүбүлүкэбит күнүгэр аналлаах сомоҕолоһуу оһуокай В.О.Каратаев аатынан Олоҥхо дьиэтигэр үс көлүөнэни түмэн Өрөспүүбүлүкэҕэ уонна улууска биллэр үҥкүү тылын этээччилэр Каролина Харлампьева, Мэнкэр Сэмэн Хабырыыл Уола, Светлана Харлампьева, Владимир Николаев, Анна Черкашина, Ньургуяна Саввинова

Улуу убайдарбыт Платон Ойуунускай, Максим Аммосов, Степан Аржаков, Исидор Барахов, Степан Васильев үрдүк ааттарыгар сүгүрүйэн оһуокайдаан үс түһүлгэни төрүттээтилэр.

Сахабыт сирэ сайдарын туһугар, бары турунуоҕуҥ, үлэлиэҕиҥ-хамсыаҕыҥ!