“Күөх харыйа тула”

Айыыһыт сылын көрсө,аал уотуттан, айах тутан көрдөһөн педагогическай үлэ бэтэрээнэ Бөтүҥ нэһилиэгин олохтооҕо Ирина Петровна Прокопьева – Отоһут Өрүүнэтэ хас биирдии дьиэ кэргэҥҥэ Ил – эйэ олоҕу аҕаллын, уйгуну – быйаҥы түстээтин диэн алгыһын анаата.

Саргылаах саҥа сылбыт салаллан кэлбитинэн ,тохсунньу ый 4 күнүгэр. Бүлүүбүт куоратыгар “Күөх харыйа тула”,көрдөөх – нардаах клоун күрэҕэ буолан ааста. “Бастыҥ клоун”- Надежда Ивановна Парникова.

“Уран тыллаах клоун”- Ксения Максимовна Семенова, «Талба талааннаах клоун» Раиса Николаевна Петрова, «Бэтиэхэлээх клоун» Анатолий Николаевич Софронеев, «Сытыы сымса клоун» Татьяна Прокопьевна Борисова, “Булугас- өйдөөх клоун” Евсеева Татьяна Прокопьевна анал ааттары ыллылар,сэмэй бэлэхтэри туттулар.

Бүлүү куоратын олохтооҕо Дмитрий Тарасович Иванов “Күөх харыйа тула” 60-сыллардааҕы пластинка доҕуһуолунан уонна 70 ,80 сыллардааҕы эстрада чаҕылхай сулустарын, уһуллубут видеоларынан үҥкүү киэһэтин тупсаран биэрдэ. Манна кэлбит дьоннор ааспыт эдэр саастарын санаан, үҥкүүлээн тэлээрдилэр.

Саҥа сылы уруйдаан, күөх харыйа тула оһуокайдаан ойдулар, эһиэкэйдээн тэйдилэр. Баян доҕуһуолунан үҥкүүлээн уонна ыллаан сүргэлэрэ көтөҕүллэн сынньанан бардылар.

Биэчэри иилээн-саҕалаан ыыттылар Августина, Матвей Евсеевтэр, баяҥҥа доҕуһуоллаата Иван Туласынов.

Один комментарий

Добавить комментарий

Ваш адрес email не будет опубликован. Обязательные поля помечены *