Иван Ионович Дьячковскайы-Кыталык Уйбааны кытары көрсүһүү

Саха киинэ тыйаатырдарыгар «Кыталыктаах кырдалым» диэн сахалыы уус-уран киинэ дьон интэриэһин тардан ситиһиилээхтик көстөн ааста. Уус-уран киинэ режиссера Михаил Лукачевскай.

Уйбаан Гоголев — Кындыл аатынан Бүлүүтээҕи нэһилиэктэр икки ардыларынааҕы кииннэммит библиотека ситимигэр Иван Ионович Дьячковскайы-Кыталык Уйбааны кытары көрсүһүү буолан ааста. Кыталык Уйбаан бэйэтин уустук оҕо сааһын ойуулаан суруйбут «Кустугу ситтэрбиэн» диэн сэһэнин туһунан, бэйэтин олоҕун туһунан сэһэргээтэ.

Көрсүһүүгэ Иван Ионович Дьячковскай олус интэриэһинэйдик олоҕун туһунан, уус-уран киинэ туһунан санааларын үллэһиннэ.

Иван Ионович Дьячковскайы-Кыталык Уйбаан кэпсээнин иһиттэххэ кырдьык олус ураты олохтоох, Кыталык Уйбаан диэн аат мээнэҕэ ааттамматаҕын өйдүүгүн. Аҕатын туһунан ахтар » Аҕам 1893 сыллаахха төрөөбүтэ, Илиҥ эҥэргэ соҕотох аатырбыт тимир ууһа этэ, икки миэтэрэлээх улахан киһи, кыһыл оҕону илиитигэр куукула курдук тутара. Аҕабын кытары биир күн төрөөбүт күннээхпит кулун тутар 14 күнэ. Аҕам 60 сааһыгар мин төрөөбүтүм. Үс убайдаахпын, үс бырааттаахпын. Сэттэ уол оҕолорбут.»

Ол курдук орнитолог, айанньыт, фотограф, суруйааччы, айылҕаны үөрэтээччи, физика учуутала Иван Ионович Дьячковскайы-Кыталык Уйбаан кэпсээнин иһиттэххэ кини туһунан уус-уран киинэ иккис чааһа уһуллуон сөптөөх, олус интэриэһинэй олохтоох киһи эбит диэн киһи санааҕа киирэр.

Бүлүү кинотеатра «Кыталыктаах кырдалым» уус-уран киинэни көтүппүт, көрбөтөх дьоҥҥо анаан Бэс ыйын 5 күнүгэр дылы уһатар. Кэлэн көрүҥ! Сэргээҥ!