«Кыталык – 2023» спортивнай-бальнай үҥкүү өрөспүүбүлүкэтээҕи турнирыгар

Ахсынньы 17 күнүгэр Аллараа Бэстээххэ «Парус» успуорт уораҕайыгар «Кыталык – 2023» сыллата ыытыллар спортивнай-бальнай үҥкүүгэ өрөспүүбүлүкэтээҕи турнир буолан ааста.

Бу күн өрөспүүбүлүкэ араас муннуктарыттан: Амматтан «Слобода» үҥкүү бөлөҕө (салайааччы Сахаяр Дорофеев), Бүлүүттэн «Ай-лаана» (Светлана Зинурова), Намтан «Ручеек» (Надежда Москвитина), Уус Тааттаттан «Надежда» (Надежда Лукина), «Татыйык» (Елизавета Голикова), Дьокуускайтан «Кэрэ эйгэ» (Мария Соловьева), «Мозайка» (Михаил Сивцев), Аллараа Бэстээх 2 нүөмэрдээх оскуолатыттан (Майя Ноева), Майаттан «Күндүл» (Саргылана Павлова), «Кыталык» (Илья Крылов, Василий Винокуров), Хатыҥ Арыыттан «Сыдьаайа» (Анжелика Ноговицына) кэлэн күөн көрүстүлэр. Уопсайа 173 киһи кыттыыны ылла.

Үҥкүүһүттэр «бэтэрээннэр», «гранд сеньоры», «сеньоры», «юниоры», «дети» бөлөхтөргө арахсан күрэхтэстилэр. Сүрүн судьуйа – үҥкүү успуордун федерациятын бэрэсидьиэнэ Михаил Захаров.
Бүлүү улууһун аатын чиэстээхтик көмүскээтилэр:

Рожин Егор Егорович., Иванова Клавдия Филипповна – Диплом 1 степени.

Тутукаров Василий Алексеевич., Фомина Тамара Васильевна – Диплом 2 степени.

Афанасьев Александр Егорович., Парникова Надежда Николаевна – Диплом 1 степени.

Семенов Николай Нестерович., Дмитриева Светлана Кононовна – Диплом 2 степени.

Тутукаров Василий Алексеевич., Протопопова Александра Яковлевна – Диплом 3 степени.

Рожин Егор Егорович., Павлова Светлана Филипповна – Диплом 1 степени.

“Ай-лаана” үҥкүү бөлөҕүн уонна салайааччыны, СӨ культуратын үтүөлээх үлэһитин Зинурова Светлана Ефимовнаны үрдүк ситиһиилэргитинэн, кэлэн иһэр саргылаах саҥа дьылынан итиитик-истиҥник эҕэрдэлиибит!


Добавить комментарий

Ваш адрес email не будет опубликован. Обязательные поля помечены *