“Үлэһит үтүөтэ , киһи кэрэмэһэ”
Калачиков Степан Евсеевич 1934 сылга Аҕа дойдуну көмүскээччилэрин күнүгэр олунньу 23 күнүгэр төрөөбүтэ. Тыыл, үлэ ,сыана бэтэрээнэ, РСФСР үөрэҕириитин туйгуна, СӨ култууратын туйгуна, СӨ Бочуоттаах.бэтэрээнэ, Бүлүү куорат Бочуоттаах олохтооҕо, Чочу нэһилиэгин бочуоттаах бэтэрээнэ, И.Гоголев-Кындыл аатынан Бүлүүтээҕи народнай театр артыыһа, В.О.Каратаев аатынан олоҥхоһуттар уонна тойуксуттар народнай коллективын алгысчыта,олоҥхо толорооччута. Төрөөбүтэ 90 сылыгар аналлаах “Үлэһит үтүөтэ , киһи кэрэмэһэ” үтүө киһигэ аналлаах кинигэ сүрэхтэниитэ буолан ааста.
Бу күн кэргэнэ Светлана Павловна, дьиэ кэргэнэ, доҕотторо, табаарыстара үөрэх салаатыттан, детдом, балыыһа, библиотека, култуура тэрилтэлэриттэн ытыктыыр дьон тоҕуоруһа муһуннулар. Дьоро күн Алгыс сиэринэн-туомунан саҕаланна.
Кэлбит ыалдьыттар Калачиков Степан Евсеевич туһунан араас кэмнэри ахтан-санаан дьоҥҥо сэргэҕэ үллэһиннилэр.
Дьон ытыктыыр киһитэ буолан саала толору ыалдьыттарынан туолла.
Ахтан-санаан ааспыт дьоннорго С.Е.Калачиков кэргэниттэн, дьонноруттан бэлэх кинигэ туттулар.
“Үлэһит үтүөтэ , киһи кэрэмэһэ” Калачиков Степан Евсеевичка аналлаах кинигэ сүрэхтэниитэ бэрт сэргэхтик-истиҥник буолан ааста.
