«Уус-уран айымньыттан сомсобун ийэ тылбыт сүмэтин»
Билиҥҥи үйэҕэ олох сайдан оҕо барыта төлөпүөҥҥэ олороллоро мэлдьэх буолбатах, кинигэ ааҕыыта иккис былааҥҥа барбыта ыраатта. Оҕону хайдах кинигэҕэ чугаһатыахха сөбүй диэн сыалтан «Ийэ тыл уонна сурук-бичик» күнүн чэрчитинэн Бүлүүтээҕи оройуоннай оҕо бибилэтиэкэтэ уонна Н.И.Ылахова аатынан «Алгыс» НКК көҕүлээһининэн » Уус-уран айымньыттан сомсобут ийэ тылбыт сүмэтин» диэн 5-10 кылаас о5олоругар улуустаа5ы уус-уран сахалыы кинигэни аа5ыыга күрэхтэстилэр.
Кыттааччылар 3 бөлөххө арахсан пааранан иккиэ буолан оскуола бырагыраамматыгар киирбит, биир уус-уран айымньыттан быһа тардыыны тута талан ылан, дорҕоонноохтук ааҕыыга 32 оҕо холоннулар, күрэс былдьастылар.
Маннык дорҕоонноохтук ааҕыы күрэхтэрэ инникитин оҕолор сахалыы кинигэни ааҕалларыгар олук буолуо.
