“Комсомол – мин дьолум”

Алтынньы 31 күнүгэр А.И.Николаев аатынан бойобуой “Албан аат” түмэлигэр Комсомол төрүттэммитэ 105 сылыгар аналлаах “Комсомол – мин дьолум” тэрээһиҥҥэ “Алгыс” НКК бэриниилээх комсомоллара кыттыыны ыллылар.

Бэлиэ тэрээһиҥҥэ комсомол доҕотторбут: РФ үөрэҕириитин туйгуна, үлэ бэтэрээнэ, Бүлүү улууһун уонна Кыргыдай нэһилиэгин бочуоттаах олохтооҕо, бэтэрээнэ Евдокия Гаврильевна Николаева.

80-с райкомол бастакы секретара, СӨ норуотун хаһаайыстыбатын үтүөлээх үлэһитэ, Бүлүү улууһун, куоратын  уонна Кыргыдай нэһилиэгин бочуоттаах олохтооҕо Николаев Федор Федорович.

СӨ үөрэҕириитин үтүөлээх үлэһитэ, РФ уопсай үөрэҕириитин бочуоттаах үлэһитэ Алексеева Наталья Дмитриевна.

СӨ культуратын үтүөлээх үлэһитэ, Евсеева Августина Платоновна.

Ааспыт, комсомолга үлэлээбит кэмнэрин, ытыктыыр, бэриниилээх доҕотторун ахтан – санаан дуоһуйдулар.

В.Васильев аатынан народнай хор салайааччыта, СӨ культуратын туйгуна Елена Каменева ырыанан киэргэттэ. Түмүккэ бары комсомол кэмнэрдээҕи ырыалары ыллаатылар. Эдэр саастарын санаан ыллылар.

Добавить комментарий

Ваш адрес email не будет опубликован. Обязательные поля помечены *