«Көтүөххэ үрдүккэ хотойдуу»

Быйыл XVII төгүлүн ыытыллар өрөспүүбүлүкэтээҕи уоланнар «Көтүөххэ үрдүккэ хотойдуу» аа5ыыларын күрэҕэр «Уолан» бөлөх (8, 10, 11 кылаас уолаттара) ситиhиилээхтик кытынна. Бу күрэх, быйылгы уратытынан икки түһүмэҕинэн ыытыллыыта буолар. Бастакы түһүмэххэ кэтэхтэн видеонанө кыттыы буолбута, ол түмүгүнэн оҕолор Дьокуускай куоракка «Сосновай бор» лааҕырга икки нэдиэлэ ынырыллыбыттара. Манна кинилэр дуоhуйа сынньанан, туhалаахтык дьарыктанан, элбэх саҥа доҕордонон, үгүһү билэн, элбэххэ үөрэнэн, сайдан, театрга, музейга сылдьан, түмүктүүр ааҕыыларыгар , алтынньы 28 күнүгэр Оҕо дыбарыаhыгар кытыннылар уонна иккис истиэпэннээх дипломант буоллулар. Маны таhынан аныгы үйэ тэтиминэн ыытыллыбыт куйаар ситиминэн курэххэ «Куйаар ситимин кыайыылаахтара» ааты ылан «Сосновай бор» сайыҥҥы сезонҥа биир босхо путевкатынан наҕараадаланна.
Н.С’.Степанов аатынан Бүлүү 3-с нүөмэрдээх орто оскуолатын «Уолан» бөлөҕө «Көтүөххэ үрдүккэ хотойдуу» ааҕыыларга 2012 сылтан кыттар. Бу бастакы кыттыыга «Алгыс» СК үлэһитэ Алексеева Мария Степановналыын икки салайааччылаах кыттыбыта. Быйылгы ааҕыыга Алексеева М.С. эмиэ оҕолору салайыста. Видеоролигы «Алгыс» оператора Менкяров Л.Г. таҥан оҥорбута.
Быйылгы үбүлүөйдэрдээх сылга «Уолан» салайааччыта саха тылын уонна литературатын учуутала Муксунова М.К. түөскэ кэтиллэр үрүҥ көмүс «Хотой» бэлиэнэн наҕараадаланна.
«Уоланнары» ситиhиилэринэн эҕэрдэлиибит уонна өссө үрдүк ситиhиилэри баҕарабыт!