СВО-ҕа сылдьар уолаттарга анаан харысхал

В.О.Каратаев аатынан олоҥхоһуттар уонна тойуксуттар народнай коллективтарын көҕүлээһининэн “Алгыс” киинигэр Бүлүү куоратын олохтоохторо, СВО-ҕа сылдьааччы уолаттар ийэлэрэ, чугас дьонноро, дьөһөгөй оҕотун сиэлиттэн алгыстаах харысхал оҥорон бэлэмнээтилэр.

Өймөкөөн улуууһун Томтор нэһилиэгин баһылыга Винокуров Алексей Николаевич биир куул сиэли харысхал оҥорооһунугар ыраах сиртэн көмө гынан ыытта.

Улуус мунньаҕын депутааттара Мандаров Василий Николаевич уонна Максимов Олег Максимович Халбаакы аатырбыт Ньөөкүйэ эбэ соботун уолаттарга кэһии гынан туттардылар.

Алгыс киинин коллектива СВО-ҕа сылдьар биир дойдулаахтарбытыгар өрүүтүн туора турбакка араас тэрээһиннэри тэрийэр, көмөлөһөр.

Бу оҥорбут харысхалларбыт уолаттарбытын харыстыы, араҥаччылыы, арчылыы сырыттын.

Добавить комментарий

Ваш адрес email не будет опубликован. Обязательные поля помечены *