Сосновка нэһилиэгэр, «Айхал» кулуупка сонун тэрээһин
Н.И.Ылахова аатынан «Алгыс» НКК Сосновкатааҕы «Айхал» филиал кулуубугар теннис, бильярд остуоллара туруоруллан олохтоохтор киэһээҥҥи сынньалаҥнарын «Айхал» кулуупка атаараллар.
Бу күннэргэ олохтоохторго анаан саҥа сонун «БильКарТен» диэн ааттаах күрэх тэрилиннэ.
«БильКарТен» диэн бильярд, хаартынан уонна теннискэ оонньоон бастыҥ миэстэни ылыыга олус интэриэһинэй күрэх буолар.
Олохтоохтор маннык күрэҕи саҥа биллибит диэн санааларын үллэһиннилэр.
Бастакы ыытыллыбыт «БильКарТен» диэн сонун күрэххэ үһүс миэстэни ылла Корякин Елисей Елисеевич.
Иккис миэстэ буолла Григорьев Александр Гаврильевич.
Уонна бастакы миэстэни ылан Филиппов Владислав Алексеевич сыаналаах бирииһинэн наҕараадаланна.
Инникитин араас интэриэһинэй күрэхтэри, тэрээһиннэри «Айхал» кулууп Сосновка нэһилиэгин олохтоохторугар тэрийэр былааннардаах.
