Сосновка нэһилиэгэр – дьоро киэһэ

Аҕам саастаах дьон декадатын чэрчитинэн Сосновка нэһилиэгэр Надежда Иннокентьевна Ылахова аатынан “Алгыс” национальнай култуурнай киин үлэһиттэрэ олус сэргэх тэрээһини ыыттылар. Биэчэри Республика үтүөлээх оһуохайдьыта, Саха республикатын культуратын туйгуна Владимир Спиридонович Николаев – Тоорукча арчылаах алгыһыттан саҕаланна.


Тоҕуоруһа мустубут аҕам саастаах дьоммут алгыһы ылынан, санаалыын чэпчээн, Кэт Марсден аатынан кырдьа5астары көрөр-харайар коллектива бэлэмнээбит мааны астаах сандалы остуолларга тула олорон, ирэ хоро кэпсэттилэр.

Кэт Марсден аатынан интернат дьиэ директора, СӨ тыа хаһаайыстыбатын үтүөлээх үлэһитэ, “За заслуги перед Отечеством ” орден 2-с степеннээх кавалера, Эдьигээн улууһун бочуоттаах гражданина Алексей Егорович Мандаров истиҥ иһирэх эҕэрдэтин тиэртэ. Бэтэрээн туруу үлэһиттэригэр сертификат туттартаата.

СӨ культуратын үтүөлээх үлэһитэ, норуодунай театр режиссера Маргарита Соколова көр -күлүү көрүдьүөһүн көҕүлүттэн тутта.

Алгыс НКК коллектива Сосновка “Айхал” кулуубугар, олохтоохторго, ыалдьыттарга умнуллубат кэрэ киэһэни бэлэхтээтилэр.

Добавить комментарий

Ваш адрес email не будет опубликован. Обязательные поля помечены *