Аан дойдутааҕы Хомус күнүгэр анаан

Аан дойдутааҕы Хомус күнүгэр аналлаах Дьокуускайга буола турар тэрээһиннэргэ Н.И.Ылахова аатынан “Алгыс” НКК уус – уран салайааччыта СӨ култууратын үтүөлээх үлэһитэ Евсеева Августина Платоновна кыттыыны ылла.

Аан Дойду маастар кылаастаах хомус ууһа СӨ норуот маастара, СӨ.култууратын үтүөлээх үлэһитэ, Бүлүү улууһун бочуоттаах олохтооҕо Чемчоев Реворий Гаврильевич Аан дойдутааҕы Хомус түмэлигэр анал быыстапката тэрилиннэ.

Бу быыстапкаҕа Чемчоев Реворий Гаврильевич – Чөмчөө Уус оҥорбут хомустара турдулар. Уһуйбут, үөрэппит үөрэнээччилэрэ кытыннылар. Бүлүүттэн Мальцев Михаил Николаевич – Кылаан Уус, Степанов Николай Николаевич, Акимова Софья Иннокентьевна, Федоров Егор Петрович, Сунтаартан Дмитрий Николаев уо.д.а.

Альбина Михайловна Дегтярова виртуоз хомусчут Чөмчөө Уус куйаарга тахса сылдьыбыт хомуһугар тардан дьүрүһүттэ.

Бу тэрээһин чэрчитинэн Хомус күнүгэр Ил Дархан Айсен Николаев тимир уустарыгар, норуот маастардарыгар анал истипиэндийэтин туттарда.

Чемчоев Реворий Гаврильевич – Чөмчөө Уус өссө да хомуһун оҥоруо диэн эрэнэбит. Саха Хомуһа үүнэ сайда турдун!

Добавить комментарий

Ваш адрес email не будет опубликован. Обязательные поля помечены *