“Алгыс” үлэһиттэрэ Чочу нэһилиэгэр

Муус устар 12 күнүгэр Чочутааҕы ,,Үрүҥ Уолан” сынньалаҥ киинигэр сэргэх тэрээһин буолан ааста. Чочу реабилитационнай отделениятын төрүттээччи, Бүлүү улууһугар социальнай тэрилтэлэри тэрийбит, Социальнай хааччыйыы управлениятын 15 сыл салайбыт, Россия XX үйэ Чулуу дьонноро энциклопедияҕа киирбит, айылҕаттан бэриллибит айар талааннаах ,ылыннарыылаах ыллыктаах тыллаах, сатабыллаах салайааччы Николай Семёнович Гоголев төрөөбүтэ 75 сылыгар аналлаах ахтыы киэһэтэ буолан ааста.

Төрөөбүт дойдутугар туруулаһан тэрийбит профилакторийын үлэһиттэрэ , кыайыыларын барытын киниэхэ аныылларын ,хаартыската көстүүлээх сиргэ ыйанан турарын ,ситиһиилэрин күннэтэ киниэхэ кэпсииллэрин долгуйа аҕыннылар. Эдэркээн
кэргэнигэр Дуунньатыгар анаабыт ырыатын ыллаатылар.


Бу сырдык ахтылҕан киэһэтин тэрийбит сүүрбүт – көппүт чугас табаарыстара ,Саха респуликатын култууратын үтүөлээх үлэһиттэрэ , Бүлүүтээҕи Н.И.Ылахова аатынан “Алгыс” национальнай – култуурнай киинин иһинэн үлэлиир Саха Өрөспүүбүлүкэтин култууратын үтүөлээх үлэһитэ Владимир Васильев Николай Семёнович хоһооннорун ырыа гынан кынаттаан көтүппүт мелодист буолар.

Бу киэһэ истиҥ иһирэх ахтыылар, Бүлүүттэн ыалдьыттар, Чочу орто оскуолатын оҕолоро Николай Семенович хоһооннорун аахтылар.

Олохтоохтор В.Васильев аатынан народнай хор толоруутун астына иһиттилэр, сүрэхтэригэр чугастык ылыннылар.

Добавить комментарий

Ваш адрес email не будет опубликован. Обязательные поля помечены *