“Айхал” кулуупка остуоруйа кэрэ эйгэтэ

Бүлүүтээҕи “Алгыс” НКК Сосновкатааҕы “Айхал” филиалыгар Аан дойдутааҕы тыйаатыр күнүн чэрчитинэн Бүлүүтээҕи Кэтти Марсден аатынан кырдьаҕастары уонна инбэлииттэри көрөр-харайар анал дьиэ кэллэктиибин күүһүнэн туруоруллубут “Остуоруйа дойдутугар” оҕолорго аналлаах көрдөрүүнү туруордулар, салайааччы Тихонова Дария Николаевна.

“Таал-таал эмээхсин” уонна “Эриэппэ” остуоруйалар мустубут көрөөччүлэр, оҕолор сэҥээриилэрин ылла.

Көрөөччүлэр сэҥээрэн, өссө да саҥа туруоруулары кэлэн көрдөрөллөрүгэр, ыалдьыттыылларыгар баҕа санааларын этиннилэр.