«Кимиэхэ эмэ, баҕар, мин бэйэм суол буолуоҕум…»

2017 сылтан Н.И.Ылахова аатынан «Алгыс» НКК, И.М.Гоголев-Кындыл аатынан Бүлүүтээҕи модельнай библиотекалыын бииргэ тэрийбит бырайыакпыт, биир дойдулаахпыт Бүлүүлэр киэн туттар киһибит, Саха суруйааччыта Иван Гоголев-Кындыл аатын үйэтитиигэ аналлаах 11 кылаас үөрэнээччилэригэр ыытыллар «Кимиэхэ эмэ, баҕар, мин бэйэм суол буолуоҕум…» аһаҕас уруога буолан ааста.

Быйылгы тэрээһини Социалистическай үлэ Геройа В.П.Трофимова аатынан Өкүндү сүрүн уопсай үөрэхтээһин оскуолатын саха тылын учуутала Иванова Ульяна Григорьевна, нэһилиэк библиотекатын үлэһитэ Саргылана Владимировна Петровалыын иилээн, саҕалаан ыыттылар.

Эһиилги И.М.Гоголев -Кындыл 95 үбүлүөйдээх сыл эстафетатын Хампа орто оскуолатын учууталлара туттулар.