Эрхаан — Олоҕум остуоруйата
Муус устар 5 күнүгэр биир дойдулаахпыт Саха республикатын культуратын туйгуна Аркадий Николаев — Эрхаан үйэ аҥардаах үбүлүөйүн көрсө «Олоҕум остуоруйата» испиктээк форматтаах ураты туруоруулаах, саҥатык көстүүлээх сольнай кэнсиэрэ «Алгыс» национальнай культуурнай киинин сыанатыгар үрдүк таһымнаахтык ааста.
Аркадий Владимирович Николаев айар — тутар үлэтэ сыаналанан «Бүлүү улууһун культуратын уонна духовнаһын сайдыытыгар үтүөлэрин иһин», «Бүлүү куорат культуратын уонна искусствотын сайдыытыгар кылаатын иһин» бэлиэлэри туттардылар.