![](https://vilalgis.ru/wp-content/uploads/2023/11/IMG_8372-1140x1059.jpg)
Алгысчыт, оһуокайдьыт, хомусчут Харлампьева Феодосия Васильевна 100 сылыгар аналлаах тэрээһин
Сэтинньи ый 19 күнүгэр кырдьаҕас Бүлүү куоратыгар
Саха Өрөспүүбүлүкэтигэр Олоҥхо күнүн чэрчитинэн Бүлүү улууһугар ыытыллар декада иккис күнэ К.О.Каратаев аатынан Олоҥхо дьиэтигэр, Үгүлээт нэһилиэгэр олорбут үлэ уонна тыыл бэтэрээнэ, алгысчыт, оһуокайдьыт, хомусчут Харлампьева Феодосия Васильевна 100 сылыгар аналлаах Алгыстаах оһуокай күрэҕин түһүлгэтэ ыытылынна.
Төрүттэрбит үгэстэринэн, саха киһитин сиэринэн Феодосия Васильевна төрөппүт кыыһа айылҕаттан айдарыылаах Каролина Петровна Харлампьева алгыс оҥордо.
![](https://vilalgis.ru/wp-content/uploads/2023/11/WhatsApp-Image-2023-11-20-at-10.34.27-1024x461.jpeg)
![](https://vilalgis.ru/wp-content/uploads/2023/11/WhatsApp-Image-2023-11-20-at-10.34.33-1024x461.jpeg)
Бүлүү куорат муниципальнай тэриллии баһылыгын эбээһинэһин толорооччу Николай Варламович Иванов, Оройуоннааҕы культура сайдыытын уонна норуот айымньытын кииниттэн Афанасьев Николай Афанасьевич истиҥ иһирэх эҕэрдэлэрин эттилэр.В.О.Каратаев аатынан олоҥхоһуттар уонна тойуксуттар норуодунай кэллэктииптэрин салайааччыта Иванова С.Т. Феодосия Васильевна Харлампьеваҕа оҥоһуллубут анал бэлиэтин туттарда.
![](https://vilalgis.ru/wp-content/uploads/2023/11/WhatsApp-Image-2023-11-20-at-10.34.34-1024x461.jpeg)
![](https://vilalgis.ru/wp-content/uploads/2023/11/IMG_8411-1024x701.jpg)
Феодосия Васильевна төрөппүт кыргыттара, сиэннэрэ кини сырдык мөссүөнүгэр сүгүрүйэн Ийэлэрин туһунан ахтан санаан аастылар.
“Өбүгэ үгэһин утумнааччы – Харлампьева Каролина Петровна” Герой Н. С. Степанов аатынан Бүлүүтээҕи 3 нүөмэрдээх орто оскуола үөрэнээччитэ Арсен Харлампьев докладын аахта, салайааччы Мария Касьяновна Муксунова.
![](https://vilalgis.ru/wp-content/uploads/2023/11/WhatsApp-Image-2023-11-20-at-10.34.31-1-1024x461.jpeg)
Баһылай Уоһукабыс Харатаайап аатынан олоҥхоһуттар уонна тойуксуттар норуодунай кэлэктиибэ Каролина Петровна суруйбут “Эрдэҕэс кутуруга эриллибитин курдук эриллэҕэс уҥуохтаах Эрбэһин бухатыыр” олоҥхонон дьүһүйүүтүн толордулар.
![](https://vilalgis.ru/wp-content/uploads/2023/11/WhatsApp-Image-2023-11-20-at-10.34.31-1024x461.jpeg)
![](https://vilalgis.ru/wp-content/uploads/2023/11/IMG_8395-1024x697.jpg)
Алгыстаах оһуокай түмүгэр
Аан Дархан этээччи – Донская Федора Егоровна
(Харлампьева оҕолоро туруорбут морозильнай ларь)
1 үрдэл –Харлампьева Светлана Петровна
(Харлампьев Василий Петрович о5олорун бирииһэ)
2 үрдэл – Мэнкэр Сэмэн-Хабырыыл Уола
(Оройуоннааҕы культура сайдыытын уонна норуот айымньытын Киинэ)
3 үрдэл Афанасьев Николай Афанасьевич
(Сивцева М.П. дьиэ кэргэнин бирииһэ)
«Түөлбэ үҥкүүтэ» анал аат — Новикова Наталья Васильевна.
(Н.И.Ылахова аатынан «Алгыс» НКК бирииһэ)
«Кэрэ куоластаах этээччи» анал аат – Дорофеева Елизавета Иннокентьевна
( «Айар Уус» ювелирнай фирма бирииһэ)
«Кылыһахтаах куолас» анал аат – Потапова Сахаяна Сергеевна.
(«Айар Уус» ювелирнай фирма бирииһэ)
«Киэҥ түһүлгэлээх» анал аат Перевалов Вячеслав Спартакович
( Хос сиэн Карина Харлампьева бирииһэ )
«Утум салҕааччы» Мунхасытова Матрена Лукинична.
(Кыыһа Овчинникова Наталья Петровна бирииһэ)
«Хомоҕой хоһоонноох этээччи» Николаев Прокопий Афанасьевич
( Уола Харлампьев Иван Петрович дьиэ кэргэнэнин бирииһэ)
«Алгыстаах этээччи» Николаев Владимир Спиридонович
(Кыыһа Лукинова Татьяна Петровна дьиэ кэргэнин бирииһэ)
( Айар Уус» ювелирнай фирма бирииһэ)
«Кэскиллээх этээччи» Мунхасытов Алан Алгысович.
Үгүлээт нэһилиэгин бирииһэ Харлампьева Каролина Петровнаҕа туттарылынна.
Сивцева Матрена Петровнаҕа («Ткани», ИП Егорова Р.Н.) бирииһэ бэрилиннэ.
Дьүүллүүр сүбэҕэ үлэлээтилэр: Мария Касьяновна Муксунова, СӨ үөрэҕириитин туйгуна, Н.С. Степанов аатынан 3 нүөмэрдээх Бүлүүтээҕи орто оскуола саха тылын уонна литературатын учуутала.
Фомина Тамара Васильевна – СӨ үөрэҕириитин уонна культуратын бочуоттаах мецената, Бүлүү улууһун, куоратын, Бороҕон нэһилиэгин бочуоттаах олохтооҕо.
Харлампьева Каролина Петровна — Бүлүү улууһун көрбөттөр обществоларын бэрэссэдээтэлэ, “Социальнай сулууспа туйгуна”, Саха Өрөспүүбүлүкэтин көрбөттөр уопсастыбаларын бочуоттаах үлэһитэ, Российскай Федерация үтүөлээх үлэһитэ.
![](https://vilalgis.ru/wp-content/uploads/2023/11/IMG_8433-737x1024.jpg)
![](https://vilalgis.ru/wp-content/uploads/2023/11/IMG_8419-1024x575.jpg)
![](https://vilalgis.ru/wp-content/uploads/2023/11/IMG_8413-1024x728.jpg)
Оһуокай күрэҕэр бириис туруорбут ытык-мааны спонсардарбытыгар махталбытын тиэрдэбит.
Күндү бар дьоммут!
Өбүгэбит үтүө үгэһин
Өрө тутан утумнаан
Өлбөт-сүппэт ситимин
Үйэтитэ туруоҕуҥ!
![](https://vilalgis.ru/wp-content/uploads/2023/11/WhatsApp-Image-2023-11-20-at-19.38.25-1-75x75.jpeg)
![](https://vilalgis.ru/wp-content/uploads/2023/11/WhatsApp-Image-2023-11-15-at-05.47.18-75x75.jpeg)