Ытык Бүлүү 390 сылыгар аналлаах «Сэргэ» туруоруута
«Хомустаах» култуурнай этнографическай комплексыгар төрөөбүт үөскээбит Ытык Бүлүүбүт 390 сылыгар аналлаах, Үрүҥ Тунах ыһыахха, дьол уонна үтүө туруктаах буолуу кэрэ бэлиэ Сэргэтэ туруоруутун сиэрэ-туома буолан ааста.
Сэргэ туруоруутун сиэрин-туомун, Аал уоту оттон айах тутта алгысчыт, норуот эмчитэ Геннадий Петрович Харлампьев.
Сэргэни оһуордаан-мандаардаан оҥордо Н.И.Ылахова аатынан «Алгыс» НКК үлэһитэ, эдэр талба талааннаах Васильев Иван Викторович. Бу кини иккис сэргэтин оҥорон туруоруута буолар.
