«Бүлүү долгуннара» үҥкүү норуодунай ансаамбыл үбүлүөйдээх дьоро түһүлгэтэ

Бүлүү улууһун дьонугар-сэргэтигэр, ыҥырыылаах ыалдьыттарыгар бэс ыйын 15 күнүгэр «Хомустаах» култуурнай-этнографическай комплекска, Киин түһүлгэҕэ Н.И. Ылахова аатынан «Алгыс»национальнай-култуурунай киин иһинэн үлэлиир «Бүлүү Долгуннара» үҥкүү норуодунай ансаамбылыгар, Саха Өрөспүүбүлүкэтин култууратын үтүөлээх үлэһитэ, Бүлүү куорат бочуоттаах олохтоо5о, «Бүлүү Долгуннара» үбүлүөйдээх ансаамбылын тэрийээччитигэр уонна салайааччытыгар Светлана Ефимовна Зинурова аатын иҥэрэр «Кэрэ Бүлүү» үбүлүөйдээх киэн түһүлгэ төрүттэннэ.

Бүлүү улууһун баһылыга Сергей Николаевич Винокуров, Светлана Ефимовна Зинуроваҕа, «Бүлүү улууһун бочуоттаах олохтоо5о» бэлиэни туттарда.

Бу үөрүүлээх түһүлгэҕэ Арассыыйатааҕы култуура министерствотын иһинэн үлэлиир В.Д.Поленова аатынан Арассыыйатааҕы норуот айымньытын дьиэтэ Махтал суругунан бэлиэтээтэ.

Бүлүү куорат МТ баһылыга Ян Анатольевич Попов уураа5ынан «Бүлүү Долгуннара» үҥкүү норуодунай ансаамбылыгар Светлана Ефимовна Зинурова аата иҥэрилиннэ.

Светлана Ефимовна Зинурова аатынан «Бүлүү Долгуннара» норуодунай үҥкүү ансаамбылын «Кэрэ Бүлүү» кэнсиэрэ, дьоро түһүлгэтэ киэҥ далааһыннаахтык ыытылынна. Ыһыах дьонун-сэргэтин сүрүн көтөхтө, санаатын бөҕөргөттө, үөрүү-көтүү үксээтэ.