![](https://vilalgis.ru/wp-content/uploads/2024/03/UGZA82061-1-1140x975.jpg)
Мэнкэр Сэмэн Хабырыыл уола Өрөгөйдөөх үбүлүөйгүнэн!
Мэнкэр Сэмэн Хабырыыл Уола I Чочуга нэһилиэгэр төрөөбүтэ. Үлэ, сцена бэтэрээнэ, олоҥхону толорооччу, алгысчыт, оһуокайдьыт. СӨ култууратын туйгуна (2014 с.), “СӨ норуотун уус-уран айымньыта сайдыытыгар кылаатын иһин” (2014 с.), “СӨ Бүлүү улууһун култууратын уонна духуобунаһын сайдыытыгар үтүөлэрин иһин” (2014 с.), “Бүлүү өрүс харыстабылыгар кылаатын иһин” (2015 с.), оһуокайга “Саха сирин үтүөлээх этээччитэ” (2017 с.), “Бүлүүтээҕи норуот дьиэтэ тэриллибитэ 100 сыла” (2021 с.) бэлиэлэр хаһаайына.
![](https://vilalgis.ru/wp-content/uploads/2024/03/11111-1024x538.jpg)
Бүлүүтээҕи И.М.Гоголев-Кындыл аатынан норуодунай тыйаатыр сүрүн артыыһа, В.О.Каратаев аатынан олоҥхоһуттар уонна тойуксуттар норуодунай кэллэктииптэрин кыттааччыта.
![](https://vilalgis.ru/wp-content/uploads/2024/03/6666-1024x673.jpg)
Мэҥкэр Сэмэн Хабырыыл уола бу күн кулун тутар 4 күнүгэр 65 сааһын туолар өрөгөйдөөх күнэ.
![](https://vilalgis.ru/wp-content/uploads/2024/03/20230408_171216-1024x877.jpg)
![](https://vilalgis.ru/wp-content/uploads/2024/03/IMG_0861-1024x768.jpg)
Кини, хойуу чөллөркөй куолаһынан ыллаан дьиэрэттэҕинэ, Ытык ыһыахтарга харахтыын чаҕылыйан, сирэйдиин сырдаан, оһуохайы таһааран көтө-дайа сырыттаҕына: былыттардыын, өндүл халлаанныын манньыйан иһийэн иһиллиир курдук буоларга дылы.
Эппит эриэккэс тылларын, оһуордаах мандардаах хоһуйуутун, от-мас туманнаах чысхаан күннэргэ бүрүллэн туран, кыһынын туораан, эһиилгигэ эйигин кэтэһэр!!!
«Кок, Мэҥкэр Сэмэн ыллыыр үһү » — диэтэхтэринэ алааска ньургуһун тыллар, сибэкки тэтэрэр күөрэгэй дьырылыы оонньуур туругун үөскэтэр. Кэтэһиилээх күндү киһибит — Эн
Кындыл тыйаатыр солбуллубат артыыһа Илбис иэйии иччилээх айар талаан аартыктаах, киһи кэрэмэһэ, Эр киһи дьиҥнээҕэ эрэллээх эркин Үтүө Доҕор Мэҥкэр Сэмэн Хабырыыл уола: Үөһээ Үрүҥ Айыы тойон харысхал тыыннаах көстүбэт күүстэринэн арчыланан, араҥаччыланан, бар дьонун барҕа махталын ылан Ытык Бүлүү ытыктабылыгар сууланан , ыллаан — туойан, күлэн-оонньоон , өр сылларга олор ! Ай- тут!
Өрөгөйдөөх үбүлүөйгүнэн өссө төгүл ис сүрэхтэн эҕэрдэ. СӨ култууратын үтүөлээх үлэһитэ Маргарита Алексеевна Соколова.
![](https://vilalgis.ru/wp-content/uploads/2024/03/WhatsApp-Image-2022-12-21-at-19.27.30-768x1024.jpeg)
Н.И.Ылахова аатынан национальнай культурнай киин кэллэктиибэ, В.О.Каратаев аатынан олоҥхоһуттар уонна тойуксуттар норуодунай кэллэктииптэрэ бүгүҥҥү күн сирин көрбүт 65 сааскынан итиитик-истиҥник эҕэрдэлиибит!
![](https://vilalgis.ru/wp-content/uploads/2024/03/WhatsApp-Image-2024-03-05-at-13.36.44-1-75x75.jpeg)
![](https://vilalgis.ru/wp-content/uploads/2024/03/WhatsApp-Image-2024-03-03-at-11.01.26-75x75.jpeg)